ދިގު އިންތިޒާރަކަށްފަހު 91 ވަނަ އޮސްކާ އެވާރޑް ހަފްލާ ބާއްވައިފިއެވެ. މިހަފްލާގައި ގިނަބަޔަކު ހައިރާން ކޮށްލުމަށްފަހު "ބެސްޓް ޕިކްޗާރ" ނުވަތަ އަހަރުގެ އެންމެ މޮޅު ފިލްމުގެ އެވާޑް ކާމިޔާބު ކޮއްފައިވަނީ މަގުބޫލު ގިނަ ފިލްމް ތަކަކާއި ވާދަކޮށް ފިލްމް "ގްރީން ބުކް" އިންނެވެ.
"ގްރީން ބުކް" އިން މި އެވާޑް ކާމިޔާބު ކުރީ ފިލްމް "ރޯމާ"، "ބްލެކް ޕެންތާރ"، "ތަ ފެވަރިޓް"، "އަ ސްޓާރ އިޒް ބޯން" އަދި "ބޮހީމިއަން ރެޕްސޮޑީ" ފަދަ މަގުބޫލު ރީތި ފިލްމްތަށް ފަހަތަށް ޖައްސާލުމަށްފަހުގައެވެ.
ބެސްޓް އެކްޓްރެސް ނުވަތަ އެންމެ މޮޅު އަންހެން ތަރިއަކަށް ހޮވިފައިވަނީ ފިލްމް "ދަ ފެވަރިޓް" ގެ ލީޑިން ރޯލުން ފެނިގެން ދިޔަ ތަރި އޮލީވިޔާ ކަލްމަން އެވެ. މި އެވޯރޑް އޮލީވިއާ ކާމިޔާބުކުރީ "ދަ ވައިފް" ގެ ތަރި ގްލެން ކުލޯސް އާއި "އަ ސްޓާ އިޒް ބޯން" ގެ ތަރި ލޭޑީ ގާގާ އާއި "ކޭން ޔޫ އެވާރ ފޮގިވް މީ" ގެ ތަރި މެލީސާ މެކާރތީ ގެ އިތުރުން "ރޯމާ" ގެ ތަރި ޔަލީޒާ އަޕާރޝިއޯ އާއި ވާދަކޮށެވެ.
ބެސްޓް އެކްޓާރ ނުވަތަ އެންމެ މޮޅު ފިރިހެން ތަރިއަކަށް ހޮވިފައިވަނީ ފިލްމު "ބޮހީމިއަން ރާޕް ސޮޑީ" ގެ ތަރި ރެމީ މާލިކްއެވެ. އެއީ ފިލްމް " ވައިސް" ގެ ތަރި ކްރިސްޓިއަން ބޭލް އާއި "އަ ސްޓާރ އިޒް ބޯން" ގެ ތަރި ބްރޭޑްލީ ކޫޕާރ އާއި "އެޓް އެޓާރނިޓީސް ގޭޓް" ގެ ތަރި ވިލިއަމް ޑަފޯރ ގެ އިތުރުން "ގްރީން ބުކް" ގެ ތަރި ވިގޯ މޯޓްސީން އާއި ވާދަކޮށެވެ.
ގިނަ އެވޯޑް ތަކެއް ދިން މިހަފްލާގައި އެންމެ މޮޅު ސަޕޯޓިން އެކްޓްރެސް އަކަށް ހޮވިފައިވަނީ ފިލްމް "އިފް ދި އޭލް ސްޓްރީޓް ކުޑް ޓޯކް" އިން ރެގީނާ ސިންގެވެ. އަދި އެންމެ މޮޅު ސަޕޯޓިން އެކްޓަރަކަށް ހޮވިފައިވަނީ "ގްރީން ބުކް" އިން މަހެރްޝަލާ އަލީ އެވެ. ބެސްޓް އޮރިޖިނަލް ސޯންގަކަށް ހޮވިފައިވަނީ ޝެލޯ އެވެ. ބެސްޓް ޑައިރެކްޓަރަކަށް ހޮވިފައިވަނީ ފިލްމް "ރޯމާ" ގެ ޑައިރެކްޑްޓަރ އަލްފޮންސޯ ކުއޭރޮން އެވެ. އަދި ބެސްޓް ސިނެމާޓޯގްރަފީ ކާމިޔާބު ކުރީ ފިލްމް ރޯމާ އެވެ. މީގެ އިތުރުން ބެސްޓް އެނިމޭޓެޑް ޝޯރޓް ފިލްމަކީ "ބާއޯ" އެވެ.
މި ނޫންވެސް ތަފާތު އެކި ދާއިރާތަކުން ތަފާތު އެތަށް ފަންނާނުންނާއި ފިލްމް ތަކުން ވަނީ މިހަފްލާގައި އެވޯޑް ހާސިލްކޮށްފައެވެ.
