ފުރާންސްގެ ޕެރިހުގެ ޕޮލިސް ހެޑްކުއާޓަރެއްގައި އެތަނުގެ މުވައްޒަފަކު ވަޅިން ހަމަލާދީ ތިން ފުލުސް އޮފިސަރުންނާއި އަދި އެއް އެޑްމިނިސްޓްރޭޓިވް އޮފިސަރަކު މަރާލައިފިއެވެ.
ހަމަލާދިން މީހާގެ މައުލޫމާތު ފުރާންސް ފުލުހުން ހާމަކޮށްފައި ނުވާއިރު ފުލުހުންވަނީ މިމީހާއަށް ބަޑިން ހަމަލާދީ މަރާލައިފައެވެ.
މިހަމަލާ ދީފައި މިވަނީ ފުލުހުންނާއި ދެކޮޅަށް ފުރާންސްގައި ދެވޭ ހަމަލާތައް ގިނަވެފައި ވާކަމަށްބުނެ ފުލުހުން މުޒާހަރާކުރިތާ އެއްދުވަސް ފަހުންނެވެ. މިހަމަލާގެ ތަހުގީގު މިހާރުދަނީ ކުރަމުންނެވެ.
ވަޅިން ހަމަލާދީ ހަތަރު މީހުން މަރާލި ސަބަބު އަދި ހޯދިފައި ނުވާނަމަވެސް ފުލުހުންގެ ޔޫނިއަން އޮފިސަލުން ބުނެފައިވަނީ މިހަމަލާއަކީ މަސައްކަތުގެ މާހައުލުގައި ދިމާވި ދެބަސްވުމަކާއި ގުޅިގެން ދިން ހަމަލާއެއް ކަމަށް ބެލެވޭ ކަމަށެވެ.
