19 އަހަރުގެ ޒުވާން އަންހެން ކުއްޖަކަށް ބިރުދައްކައިގެން ބަދުއަހުލާގީ އަމަލު ހިނގި މީހަކު ހައްޔަރުކޮށްފިއެވެ.
ފުލުހުން ވިދާޅުވީ، ފޮޓޯތަކެއް ލީކުކޮށްލާނެކަމަށް ބުނެ ބިރުދައްކައިގެން އަންހެނަކާއިމެދު ގަދަކަމުން ބަދުއަހުލާގީ އަމަލު ހިންގި 22 އަހަރުގެ ދިވެހި ފިރެހެނަކު ރޭ 00:15 ހާއިރު ހައްޔަރުކޮށްފައި ވާކަމަށެވެ.
މިހާދިސާ ހިނގައިފައިވަނީ މާލޭގައިކަން ފުލުހުން ކަށަވަރުކޮށްދީފައި ވީނަމަވެސް މިހާދިސާއާއި ބެހޭ އިތުރު މައުލޫމާތެއް ފުލުހުން ދީފައެއް ނުވެއެވެ.
މިމައްސަލަ ފުލުހުންދަނީ އިތުރަށް ތަހުގީގު ކުރަމުންނެވެ.
