ގިރިފުށީ ޓްރެއިނިން ސެންޓަރުގައި ތަމްރީނު ހަދަމުން ދަނިކޮށް ކުއްލިގޮތަކަށް މިއަދު ނިޔާވި ސްޓާފް ސާޖަންޓް ޢަލީ ރިޔާޒް ސިފައިންގެ އިއްޒަތުގައި ފަސްދާނުލައިފިއެވެ.
ސްޓާފް ސާޖަންޓް ޢަލީ ރިޔާޒް މިއަދު ހެނދުނު ނިޔާވެފައިވަނީ ހުޅުމާލޭގައި އޮތް ބީއެފްޓީ ޓެސްޓެއް ފުރިހަމަ ކުރުމަށްފަހު އެނބުރި ގިރިފުއްޓަށް ގޮސް، ބަނޑަށް ވައިގެ އުނދަގޫތަކެއް ވާކަމަށް ކައިރީގައި ހުރި ދަރިވަރަކު ކައިރީގައި ބުނިތަނާހެން ގައިން ވަރުދޫވެގެން ވެއްޓުމަށްފަހުއެވެ.
ސްޓާފް ސާޖަންޓް ރިޔާޒް ވެއްޓުމާއިއެކު ވަގުތުން އިމަޖެންސީގައި މާލެ ގެނެސް އޭޑީކޭ ހޮސްޕިޓަލަށް ގެންދެވިފައިވާ ކަމަށް އެމްއެންޑީއެފްއިން ބުނެއެވެ.
ސްޓާފް ސާޖަންޓް ޢަލީ ރިޔާޒް ސިފައިންގެ އިއްޒަތުގައި ފަސްދާނުލައިފައިވާއިރު މިޖަނާޒާގައި ގިނަ އަދަދެއްގެ ބަޔަކު ބައިވެރި ވެފައި ވެއެވެ.
ސްޓާފް ސާޖަންޓް ޢަލީ ރިޔާޒް (ސަރވިސް ނަންބަރު: 5055) ދ.ކުޑަހުވަދޫއަށް އުފަން ސްޓާފް ސާޖަންޓް ޢަލީ ރިޔާޒް ސިފައިންގެ ޚިދުމަތާ ގުޅިލައްވާފައި ވަނީ 2003 ފެބްރުވަރީ 18 ވަނަ ދުވަހުގައެވެ. ސިފައިންގެ ޚިދުމަތުގައި ސްޓާފް ސާޖަންޓް ޢަލީ ރިޔާޒް ހޭދަކުރެއްވި 16 އަހަރާއި 7 މަހާއި 17 ދުވަހެވެ.
