ބަދިގެތެރޭން މިއަދު މިގެނެސްދެނީ ކިވީ މޮޖީޓޯ ތައްޔާރުކުރާނެގޮތެވެ.

ބޭނުނވާތަކެތި:

• 2 ކިވީ
• 1/2 ސައިސަމްސާ ހަކުރު (މުގުރާފައި)
• 3 މިންޓް ލީފް
• 1 ލުނބޯ
• 4 އައސްކިއުބް
• 1/2 ޖޯޑު ސްޕްރައިޓް

ތައްޔާރުކުރާނެގޮތް:

އެންމެ ފުރަތަމަ ކިވީ، ހަކުރު، އަދި 2 މިންޓް ލީފް ތައްޓެއްގެ ތެރޭގައި ޗިސްޗިސް ކޮށްލާށެވެ. އެއަށްފަހު 1/2 ލުނބޯ ހުތް އޭގެތެރެއަށް ފެލާލުމަށްފަހު ރަނގަޅަށް އެއްކޮށްލާށެވެ. ދެން އޭގެތެރެއިން 4 ސަމްސާ އެހެން ތައްޓަކަށް އެޅުމަށްފަހު އައިސްކިއުބްކޮޅު ވެސް ތަށީގެ ތެރެއަށް ލާށެވެ. ދެން ސްޕްރައިޓް ކޮޅު އަޅާލުމަށްފަހު 2 ފޮތި ލުނބޯ، 2 ފޮތި ކިވީ އަދި 1 މިންޓް ލީފް ލުމަށްފަހު ގިރާލާށެވެ.

މިހާރު މިވަނީ ކިވީ މޮޖީޓޯ ތައްޔާރުކޮށް ނިމިފައެވެ.