ނެޝަނަލް އެމަޖެންސީ އޮޕަރޭޝަން ސެންޓަރުގެ ރެޕިޑް ރެސްޕޮންސް ޓީމްގެ ބޭނުންތަކަށް، މާލޭގައި ދުއްވުމަށް ކްރޮސްރޯޑުން 6 އިލްކްޓްރިކް ބަގީ ފޯރުކޮށްދީފިއެވެ.
ޓުއަރިޒަމް މިނިސްޓްރީން ވިދާޅުވީ މާލޭގެ މަގުތައް ހަނިވުމާއި ގުޅިގެން، އޭންއީއޯސީގައި މިހާރު ހުރި ވެހިކަލްތައް ބޭނުންކުރުމުގައި ދަތިތަކާއި ކުރިވަމުންދާތީ، ރިސޯޓްތަކުގައި ބޭނުންކުރާ ބަގީ ކޯވިޑް-19 އޮޕަރޭޝަންތަކުގައި ބޭނުންކުރުމަށް ހޯދާދިނުމަށް އެ މިނިސްޓްރީގައި އެދިފައިވާކަމަށެވެ.
އެގޮތުން ކްރޮސްރޯޑް މޯލްޑިވްސްގެ ހާޑްރޮކް މޯލްޑިވްސްއާއި، ސައި ލެގޫން މޯލްޑިވްސްގެ އެހީއާއިއެކު މާލޭގައި ބޭނުންކުރުމަށް 6 ބަގީ ގެނެސްފައިވާކަމަށް ޓުއަރިޒަމް މިނިސްޓްރީން ވިދާޅުވެއެވެ. މި ބަގީތައް ގެނެސްފައިވަނީ މިއަދުއެވެ.
Today we have handed over 6 electric buggies for the operation of Rapid Response Team of NEOC. We thank the management of @Crossroads_MV (Hardrock Maldives and SAii Lagoon Maldives) for their support.@NDMAmv pic.twitter.com/qqCTs9XQ1N
— Ministry of Tourism (@MoTmv) May 13, 2020
މިވަގުތު ސާމްޕަލް ނެގުމާއި އަދި ކޯވިޑާއި ގުޅިގެން ގޭގެއަށް ގޮސް ކުރަންޖެހޭ މަސައްކަތްކުރަނީ އެމްބިއުލާން ބޭނުންކޮށްގެންނެވެ. ނަމަވެސް މި އެމްބިއުލާންތަކަކީ ބޮޑެތި އެމްބިއުލާންސްތައްކަމުން، މާލޭގެ ހަނި ގޯޅިތަކާއި މަގުތަކުގައި ބޭނުންކުރުމުގައި ދަނީ ދަތިތަކާއި ދިމާވަމުންނެވެ.
ރާއްޖޭގައި ކޮވިޑް-19 މިހާތަނަށް 904 މީހަކުވަނީ ޕޮސިޓިވް ވެފައެވެ. އަދި މިބަލިން ރަނގަޅު ކުރެވިފައިވަނީ 32 މީހުންނެވެ. 03 މީހަކުވަނީ މިބަލީގައި ނިޔާވެފައެވެ.
