ކޮވިޑް-19 އާއި ގުޅިގެން އިޢުލާންކޮށްފައިވާ، މާލޭ ސިޓީގެ ލޮކްޑައުން ވަރުގަދަކުރަން ނިންމައިފިއެވެ.
ލޮކްޑައުންގައި މާލޭ ސިޓީގައި ބޭރަށް ނިކުމެ އުޅުމަށް ހެދިފައިވާ އުޞޫލު އިތުރަށް ހަރުކަށި ކޮށްފައިވާކަން ހާމަކޮށްފައިވަނީ މިރޭ މެންދަމު މޯލްޑިވްސް ޕޮލިސް ސަރވިސް އިން ކުރެއްވި ޓްވީޓަކުންނެވެ.
ފުލުހުން ވިދާޅުވީ، އަންނަ އާދީއްތަ ދުވަހުން ފެށިގެން ބާޒާރުކުރުމަށް ދޫކުރެވިފައިވާ ހުއްދަތަކަށް ބަދަލު ގެންނަން ނިންމާފައިވާ ކަމަށެވެ.
"2020 މެއި 17 ވަނަ ދުވަހުން ފެށިގެން ބާޒާރުކުރުމަށް ދޫކުރެވިފައިވާ ހުއްދަތަކަށް ބަދަލެއް ގެނެވޭނެ. މިގޮތުން،ކުރިއަށް އޮތް ތަނުގައި ބާޒާރަށް ދެވޭނީ ހަފްތާއަކު 1 ފަހަރު. ތިޔަ ބޭފުޅުންނަށް ކަނޑައެޅިފައިވާ އާ ގަޑިތައް އާ މެސެޖަކުން ލިބިވަޑައިގަންނަވާނެ. އަލުން ރެޖިސްޓަރކުރައްވަން ނުޖެހޭނެ." ފުލުހުން ވިދާޅުވިއެވެ.
UPDATE: this will be effective starting from 17th of May 2020.
— Maldives Police (@PoliceMv) May 14, 2020
މީގެ އިތުރުން މިއަދުން ފެށިގެން ބައެއް ވަގުތުތަކުގައ،ި ޢާއްމުންނަށް ސިނަމާލު ބުރިޖު ބަންދުކުރުމަށްވެސް ފުލުހުން ވަނީ ނިންމާފައެވެ. އެގޮތުން މެންދަމު 01:00 އިން ހެނދުނު 09:00 އަށް ސިނަމާލެ ބުރިޖުން ޢާއްމު ފަރާތްތަކަށް ދަތުރު ނުކުރެވޭނެ ކަމަށާއި، އެވަގުތުތަކުގައި ބްރިޖް ބޭނުންކުރެވޭނީ ކޮންމެހެން ބޭނުންކުރަންޖެހޭ ޕަބްލިކް ޓްރާންސްޕޯޓްގެ ޚިދުމަތްތަކަށާއި ސަލާމަތީ ބާރުތަކަށް ކަމަށް ފުލުހުން ވިދާޅުވިއެވެ.
In the wider effort to control the possible surge of #COVID19Maldives spread,we will implement new control measures on Sinamale Bridge for a period of 2 weeks.Entry to it will be restricted for the public 1-9AM daily.Only essential public services & Security Services are exempted
— Maldives Police (@PoliceMv) May 14, 2020
ކޮވިޑް-19 އިން ރައްކާތެރިވުމަށް އަޅާ ފިޔަވަޅެއްގެ ގޮތުން މާލެ، ވިލިމާލެ، ހުޅުމާލެ، އަދި ގުޅީފަޅު ހިމެނޭ ގޮތުން އިއުލާން ކޮށްފައިވާ ލޮކްޑައުންގެ މުއްދަތު އިތުރު 14 ދުވަހަށް އިތުރުކުރުމަށްވެސް އިއްޔެ ވަނީ ނިންމާފައެވެ.
ދިވެހިރާއްޖެއިން ކޮވިޑް-19 ޖެހުނު މީހުންގެ އަދަދު 982 އަށް އަރާފައިވާއިރު، 932 މީހަކަށް މިހާރު ދަނީ ފަރުވާ ދެމުންނެވެ. މީގެ އިތުރުން ރާއްޖެއިން މި ބަލި ޖެހުނު މީހުންގެ ތެރެއިން 46 މީހަކު ވަނީ މި ބަލިން ރަނގަޅުވެފައެވެ.
