ނައިބް ރައީސް ފައިސަލް ނަސީމްގެ ހާލުކޮޅު ބޮޑުވެ ހޮސްޕިޓަލުގައި އެޑްމިޓް ކުރައްވައިފިއެވެ.

އެމަނިކުފާނުގެ ހާލުކޮޅު ބޮޑުވެ، އެޑްމިޓް ކުރައްވާފައިވަނީ ރޭގެ ވަގުތެއްގައި ދަރުމަވަންތަ ހޮސްޕިޓަލުގައެވެ.

ރައީސުލް ޖުމްހޫރިއްޔާގެ ތަރުޖަމާން މަބްރޫކް އަޒީޒް ވިދާޅުވީ ނައިބު ރައީސް އެޑްމިޓްކޮށްފައިވަނީ ދަރުމަވަންތަ ހޮސްޕިޓަލުގައި ކަމަށާއި، އެޑްމިޓް ކުރީ ގަދަ ހުމެއް އައިސްގެންކަމަށެވެ.

Vice President @FaisalNasym has been admitted in Dharumavantha hospital with high fever.

He has tested negative for COVID-19 and is in stable condition.

As we wait for further medical diagnosis we pray for his speedy recovery.

— Mabrook Azeez (@MvSpokesperson) February 24, 2021

މަބްރޫކު އިތުރަށް ވިދާޅުވީ، ނައިބް ރައީސް ކޮވިޑް ޓެސްޓް ހެއްދެވި ކަމަށާއި ޓެސްޓުގެ ނަތީޖާ ލިބުނުއިރު ނައްސި ކަމަށާއި އެހެން ކަމުން އެއީ ކޮވިޑްގެ ކަމެއް ނޫން ކަމަށްވެސް މަބްރޫކު ވިދާޅުވިއެވެ.

އަދި ނައިބު ރައީސްގެ ޓެސްޓްތައް ހަދަމުން ދިޔަ ނަމަވެސް މިވަގުތު އެމަނިކުފާނުގެ ހާލުކޮޅު ރަނގަޅު ކަމަށް މަބްރޫކު ވަނީ ވިދާޅުވެފައެވެ.