ބަދިގެތެރޭން މިފަހަރު މިގެނެސްދެނީ އޯރިއޯ ސްމޫތީ ތައްޔާރުކުރާނެގޮތެވެ.
ބޭނުންވާ ތަކެތި:
- 2 ސްކޫޕް ވެނީލާ އައިސްކްރީމް
- 1 ޖޯޑު ކިރު
- 4 އޯރިއޯ ބިސްކޯދު
- ހަކުރު (ބޭނުންނަމަ)
- ވިޕިން ކްރީމް( ބޭނުންނަމަ)
ތައްޔާރުކުރާނެ ގޮތް:
އޯރިއޯ ބިސްކޯދު، ހަކުރު (ބޭނުންނަމަ)، ކިރު ޖޯޑު އަދި އައިސްކްރީމް މިކްސްޗަރަށް އެޅުމަށްފަހު ރަނގަޅަށް ގިރާލާށެވެ. ދެން ގިރާފައިހުރި އެއްޗެހި ތަށްޓަކަށް އެޅުމަށްފަހު އޭގެމަށްޗަށް އައިސްކްރީމް ނުވަތަ ވިޕިން ކްރީމް އަޅާލާށެވެ. އަދި ބޭނުންނަމަ އޭގެމައްޗަށް އޯރިއޯ ހިމުންކޮށްލުމަށްފަހު އެޅިދާނެއެވެ.
މިހާރު މިވަނީ އޯރިއޯ ސްމޫތީ ތައްޔާރުކޮށް ނިމިފައެވެ. އޯރިއޯ ސްމޫތީ ބޮޑަށް މީރުވާނީ ފިނިކޮށްލައިގެންނެވެ.
