ލިޓަސް އޮޓޯ މޯބައިލްސްގެ ކަސްޓަމަރުުންނަށް ބާ ސައިކަލުގެ ބަދަލުގައި އާ ސައިކަލެއް ލިބޭ އެކްސްޗޭންޖް ޕްރޮގްރާމެއް މިއަދު ފަށައިފިއެވެ.

ބާ ސައިކަލަށް އާ ސައިކަލް ބަދަލުކުރާ ޕްރޮގްރާމެއް ލިޓަސްއިން މިމަހު ހުޅުވާލާފައިވާއިރު، މިއީ މިފަދަ ޕްރޮގްރާމެއް ރައްޖޭގައި ފެށި ފުރަތަމަ ފަހަރެވެ. އަދި މިއީ ޕައިލެޓް ޕްރޮގްރާމެއްކަމުން މިފަހަރުގެ ޕްރޮގްރާމުގައި ބައިވެރިވެވޭނީ ހަމައެކަނި ލިޓަސްގެ ކަސްޓަމަރުންނަށްކަމަށް އެފިހާރައިން މަޢުލޫމާތުދެއެވެ.

މި މަހު ހުޅުވާލާ މި ޕައިލެޓް ޕްރޮގްރާމްގައި އެ ކުންފުނީގެ 50 ކަސްޓަމަރަކަށް ސައިކަލު ބަދަލު ކުރުމުގެ ފުރުސަތު ލިބިގެންދާނެކަމަށްވެސް ލިޓަސްއިން ބުނެއެވެ.

ލިޓަސްއިން މަަޢުލޫމާތު ދޭ ގޮތުގައި، މި ޕްރޮގްރާމުގެ ދަށުން ލިޓަސްގެ ކަސްޓަމަރުން މިހާރު ގެންގުޅޭ ސައިކަލު ގެންދިއުމުން އޭގެ އަގު ކަނޑައަޅައި އަލަށް ބޭނުންވާ ސައިކަލުގެ އަގުން އެބައި އުނިކޮށްދޭނެއެވެ. އެހެންކަމުން އާ ސައިކަލުގެ ޕޭމަންޓަށް ދައްކަން ޖެހޭނީ ވަރަށް ކުޑަ އެއްޗެއް ކަމަށް ލިޓަސް އިން ބުންޏެވެ.

މި ޕްރޮގްރާމުގައި ބައިވެރިވުމަށް ގުޅާނީ، ލިޓަސްގެ ކޯލްސެންޓަރު 7797442 ނަންބަރަށެވެ.

https://www.facebook.com/litusautomobiles/photos/a.365381580282787/1930293510458245