އުރީދޫ މޯލްޑިވްސްގެ ޚިދުމަތްތަކަށް މިރޭ ބުރޫ އަރާނެކަމަށް އެކުންފުނިން ބުނެފިއެވެ.
އުރީދޫއިން ބުނީ، މެއިންޓެނެންސްގެ މަސައްކަތެއް މިރޭ ކުރުމަށް ހަމަޖެހިފައިވާތީ އުރީދޫ މޯލްޑިވްސްގެ ޚިދުމަތްތަކަށް މިރޭ ބުރޫ އަރާނެކަމަށެވެ.
އެގޮތުން މިމަސައްކަތްކުރުމަށް ހަމަޖެހިފައިވަނީ މިރޭ މެންދަމު 03:00 އިން ހެނދުނު 06:00 އާއި ދެމެދުގެ ވަގުތެއްގައިކަމަށްވެސް އުރީދޫއިން ބުނެއެވެ. އުރީދޫއިން ބުނީ މިމަސައްކަތަށް ނަގާނީ އެންމެ 5 މިނަޓްކަމަށެވެ.
Due to a planned maintenance activity, customers face intermittent difficulties in using our services on 7th July 2021, Wed between 3:00am to 6:00am for a maximum of 5 mins.
— Ooredoo Maldives (@OoredooMaldives) July 6, 2021
އަދި މިމަސައްކަތުގައި ކަސްޓަމަރުންނަށް ދިމާވެދާނެ ދަތިތަކަށް އުރީދޫއިންވަނީ މަޢާފަށް އެދިފައެވެ.
އޫރިދޫއަކީ ރާއްޖޭގައި މުވާސަލާތީ ހިދުމަތްދޭ ކުންފުނި ތަކުގެ ތެރެއިން އެންމެ ބޮޑު އެއް ކުންފުންޏެވެ. އުރީދޫއިން ރާއްޖޭގައި ޚިދުމަތް ދޭން ފަށާފައިވަނީ 2005 ވަނަ އަހަރުން ފެށިގެންނެވެ. އަދި ގިނަ ބަޔަކު އުރީދޫ ނެޓްވޯޓް ބޭނުން ކުރަމުންދާއިރު، އެކުންފުނިން ވަނީ ރާއްޖޭގެ މުވާސަލާތީ ޚިދުމަތަށް ވަރަށް ބޮޑު އިންގިލާބެއް ގެނުވާފައެވެ.
