ވޮލީބޯލް އެސޯސިއޭޝަން ކަޕްގެ އަންހެން ޑިވިޝަންގެ ފައިނަލް މޗު މިރޭ އޮންނާނެއެވެ.
ޒުވާނުންގެ މަރުކަޒުގެ އެތެރޭ ކޯޓުގައި ކުޅުނު ސެމީ ފައިނަލް މެޗު ޕޮލިސް ކުލަބުން ކާމިޔާބުކުރީ 3-2 ސެޓުންނެވެ. މި މެޗުގެ މޮޅު ކުޅުންތެރިއަކަށް ހޮވުނީ ޕޮލިހުގެ ގްރަޒިއޭލޭ ރިބެއިރޯ ޑިސޫޒާ އެވެ.
ވެމްކޯއިން ސެމީ ފައިނަލުން މޮޅުވީ ހުރާ ސީސީ އާއި ވާދަކޮށް 3 ސެޓް 2 ސެޓުންނެވެ. މި މެޗުގެ މޮޅު ކުޅުންތެރިއަކަށް ހޮވުނީ ވެމްކޯގެ ނޮކްޔޫން ޕައޮވާނާ އެވެ.
މި މުބާރާތުގައި ފައިނަލުގައި ޕޮލިސް ކުލަބާ ވާދަކުރަނީ ކްލަބް ވެމްކޯއެވެ. މި ފައިނަލް މެޗު ކުޅުމަށް ހަމަޖެހިފައިވަނީ ޒުވާނުންގެ މަރުކަޒުގެ އެތެރޭ ކޯޓުގައި މިރޭ 08:30 ގައެވެ.
