ވެރިރަށް މާލޭގެ ކުރިއަރަމުން އަންނަ ސިޓީ، ހުޅުމާލޭގެ ހަ ސަރަހައްދެއްގައި ފެންވެރޭނެ އިންތިޒާމްތައް ހަމަޖެއްސުމުގެ މަސައްކަތް ޕްލޭނިންގ މިނިސްޓަރީން ފަށައިފިއެވެ.
ހުޅުމާލެގެ ހަ ސަރަހައްދެއްގައި ފެން ވެރޭނެ ތަންތަން ހެދުމަށް ކުރިން ކުރެވިފައިވާ ޢިއުލާނު ބާތިލްކޮށް އަލުން ހުޅުމާލޭގެ 6 ސަރަޙައްދެއްގައި ފެންމާގަނޑު ހަރުކޮށްދިނުމުގެ މަސައްކަތްކޮށްދޭނެ ފަރާތެއް ހޯދުމަށް ޕްލޭނިން މިނިސްޓްރީން މިހާރު ވަނީ އިއުލާން ކޮށްފިއެވެ.
ޕްލޭނިންގ މިނިސްޓްރީން ވިދާޅުވީ، މި މަސައްކަތަށް ޝައުޤުވެރިވެވަޑައިގަންނަވާ ފަރާތްތަކުން 2019 ފެބުރުވަރީ 10 ވާ އާދީއްތަ ދުވަހުގެ 12:00 އަށް މިނިސްޓްރީ އޮފް ނޭޝަނަލް ޕްލޭނިންގ އެންޑް އިންފްރާސްޓްރަކްޗަރއަށް ވަޑައިގެން މަޢުލޫމާތު ސާފުކުރެއްވުމަށްފަހު، 2019 ފެބުރުވަރީ 14 ވާ ބުރާސްފަތި ދުވަހުގެ 12:00 ގައި މިނިސްޓްރީ އޮފް ނޭޝަނަލް ޕްލޭނިންގ އެންޑް އިންފްރާސްޓްރަކްޗަރއަށް ވަޑައިގެން ބީލަން ހުށައެޅުން އެދޭކަމަށެވެ.
އެޗްޑީސީންގެ ފަރާތުން ހުޅުމާލޭގައި މީގެ ކުރިން މިފަދަ މަސައްކަތް ކުރިނަމަވެސް މި ސަރުކާރުން ހުޅުމާލޭގެ ބައެއް މަސައްކަތްތައް ސީދާ މިނިސްޓްރީގެ ބެއްލެވުމުގެ ދަށުން ކުރައްވާކަން ފާހަގަކުރަމެވެ.