މި އީދުގެ މުނާސަބަތުގައި އަންނަ ބޮޑު ބަންދުގެ ތެރެއިން 14 ވާ ބުދަ ދުވަހު މޯލްޑިވްސް އިސްލާމިކް ބޭންކް (އެމްއައިބީ) އިން ކަސްޓަމަރުންނަށް ޚިދުމަތް ދޭނެކަމަށް އެބޭންކުން ބުނެފިއެވެ.
ޕަބްލިކް ލިމިޓެޑް ކުންފުންޏަކަށް ބަދަލުކޮށް އާންމުންނަށް ހިއްސާ ވިއްކަމުންދާ، އެމްއައިބީ އިން ބުނީ މިމަހުގެ 14 ވާ ބުދަ ދުވަހު އެ ބޭންކުން ފޯރުކޮށްދޭ ހުރިހާ ހިދުމަތެއް އެއްވެސް ދަތިކަމެއްނެތި، އެބޭންކުގެ ހުރިހާ ބްރާންޗަކުންވެސް ކަސްޓަމަރުންނަށް ފޯރުކޮށްދޭނެ ކަމަށެވެ.
މިއަހަރުގެ ހައްޖު ދުވަހަކީ އޯގަސްޓް 10 ވާ ހޮނިހިރު ދުވަހަށްވާއިރު، ބޮޑު އީދު ދުވަހަކީ ޖެހިގެން އަންނަ، އޯގަސްޓް މަހުގެ 11 ވާ އާދީއްތަ ދުވަހެވެ. ގިނަ ބަޔަކު އީދު ޗުއްޓީގައި ރަށުން ބޭރަށް ދާނެތީ، ލުއިފަސޭހަ ކޮށްދިނުމުގެ ގޮތުން އެ ހަފްތާގެ ބުރާސްފަތި ވާ 15 ވަނަ ދުވަސްވެސް ވަނީ ސަރުކާރު ބަންދު ދުވަހެއްގެ ގޮތުގައި ޖަމަޖައްސާފައެވެ.
2019 އޮގަސްޓް 14 ވަނަ ދުވަހަކީ މަރުކަޒީ ބޭންކް އެމްއެމްއޭ އާއި އެމްއެމްއޭ އިން ރެގިއުލޭޓް ކުރާ އެހެން ބޭންކުތަކުގެ ހިދުމަތް ދޭނެ ދުވަހެއްގެ ގޮތުގައި ކަނޑައެޅީ ޖުލައި 21 ވަނަ ދުވަހުއެވެ.
އެމްއައިބީގެ އިތުރުން ބީއެމްއެލް އިންވެސް 14 ވަނަ ދުވަހު ބޭންކިންގ ގެ ޚިދުމަތްތައް ދިނުމަށް ވަނީ ނިންމާފައެވެ.
