ޕޯޗުގަލްގެ އާންމު އިންތިހާބުގެ ވޯޓުލުން މިއަދު ފަށައިފިއެވެ.
މިއިންތިހާބުގައި އެންމެ ވާދަވެރިކޮށް އުޅެނީ ބޮޑުވަޒީރު އެންޓޯނިއާ ކޯސްޓާގެ ސޯސިއަލިސްޓް ޕާޓީއާއި 2015 ވަނަ އަހަރު ބޭއްވުނު އިންތިހާބުގައި މަޖިލީހުގެ އެންމެ ގިނަ ގޮނޑި ކާމިޔާބުކުރި ސޯސިއަލް ޑިމަކްރަޓިކްސް ޕާޓީންނެވެ.
ހިޔާލުހޯދުމުގެ ވޯޓުން ސޯސިއަލިސްޓް ޕާޓީ ކުރީގައި އުޅުނު ނަމަވެސް 230 ގޮނޑީގެ ޕާލަމެންޓުގެ މެޖޯރިޓީ އެޕާޓީއަށް ލިބޭނެ ކަމާއިމެދު ޝައްކެވެ.
11 މިލިއަނެއްހާ މީހުން މިއިންތިހާބުގައި ވޯޓުލުމަށް ރަޖިސްޓަރީ ކޮށްފައިވާއިރު އިންތިހާބުގެ ވޯޓުލުން ބަންދުކުރުމަށް ހަމަޖެހިފައިވަނީ ޕޯޗުގަލް ގަޑިން 19:00 ގައެވެ.
އެންޓޯނިއާ ކޯސްޓޯގެ ބޮޑުވަޒީރުކަމުގައި ޕޯޗުގަލްއިންވަނީ ތަރައްގީގެ ރޮނގުގައި ވަރަށް ބޮޑުތަން ކުރިއަށް ޖެހިލައިފައެވެ. މިގޮތުން ހުޅަނގުގެ އިއްތިހާދުން ލަފާކުރި މިންވަރަށްވުރެ ޕޯޗުގަލްގެ އިގްތިސާދު ކުރިއަށް ގޮސްފައިވެއެވެ. އަދި ޕޯޗުގަލްގެ ބަޖެޓް ޑެފެސިޓްވެސްވަނީ ދައްކޮށްފައެވެ.
