ފަސްރަށެއްގެ ގޮނޑުދޮށް ހިމާޔަތް ކުރުމުގެ މަޝްރޫޢުގެ ޑިޒައިން އަދި އީއައިއޭގެ މަސްކަތް ކުރަން ބަޔަކާއި ހަވާލުކޮށްފިއެވެ.
މި މަޝްރޫޢު ހަވާލުކޮށްފައިވަނީ ރިޔަން ޕްރައިވެޓް ލިމިޓެޑް، އިން އެސޯސިއޭޝަން ވިތް ލަމެއަރ ގްރޫޕް އެންޑް ނިރާސް އޭ.އެސް (ޑެންމާކް) އާއިއެވެ.
މި ކޮންޓްރެކްޓްގައި މިނިސްޓްރީ އޮފް ނޭޝަނަލް ޕްލޭނިންގ އެންޑް އިންފްރާސްޓްރަކްޗަރ ގެ ފަރާތުން ސޮއި ކުރެއްވީ އެކުންފުނީގެ ޑިރެކްޓަރ ޖެނެރަލް އަލްފާޟިލާ ޝާނާ ފާރޫޤްއެވެ. އަދި ރިޔަން ޕްރައިވެޓް ލިމިޓެޑް، އިން އެސޯސިއޭޝަން ވިތް ލަމެއަރ ގްރޫޕް އެންޑް ނިރާސް އޭ.އެސް ގެ ފަރާތުން ސޮއި ކުރެއްވީ އެ ކުންފުނީގެ މޭނޭޖިންގ ޑިރެކްޓަރ އަލްފާޟިލް އިބްރާޙިމް ހަމީޒެވެ.
މި މަޝްރޫޢުގެ ދަށުން ގޮނޑުދޮށް ހިމާޔަތް ކުރުމުގެ މަަޝްރޫޢުގެ ޑިޒައިން އަދި އީއައިއޭގެ މަސްކަތް ކުރަން ހަވާލުކޮށްފައިވަނީ މ. މުލަކާއި، މ. ދިއްގަރާއި، މ. ކޮޅުފުއްޓާއި، ތ. ބުރުނީއާއި، ތ. ވަންދޫއެވެ.
މ. މުލަކާއި، މ. ދިއްގަރު އަދި މ. ކޮޅުފުއްށީގެ މަޝްރޫޢު ހަވާލުކޮށްފައިވަނީ 12 ހަފްތާތެރޭގައި ނިންމާގޮތަށް 1،917،700.59 ރުފިޔާއަށެވެ. އަދި ތ. ބުރުނީއާއި، ތ. ވަންދޫގެ މަޝްރޫޢު ހަވާލުކޮށްފައިވަނީ 12 ހަފްތާ ރޭތޭގައި ނިންމާގޮތަށް 1،624،712.88 ރުފިޔާއަށެވެ.
މި މަޝްރޫޢުގެ ދަށުން މި ފަސް ރަށުގެ ގޮނޑުދޮށް ހިމާޔަތް ކުރުމުގެ މަޝްރޫޢަށް ބޭނުންވާ ޑީޓެއިންޑް އެންވަޔަރަންމަންޓަލް އިންޕެކްޓް އެސެސްމަންޓް (އީއައިއޭ) ތައްޔާރުކުރުމުގެ މަސައްކަތް ހިމެނެއެވެ.
