ބުރެޒިލަށް ބޯކޮށް ވާރޭވެހި ބިނގަޑު ކަނޑައިގެންގޮސް ހިނގި ހާދިސާތަކުގައި 30 މީހުން މަރުވެފައިވާކަމަށް އެގައުމުން ބުނެފިއެވެ.
ކުއްލި ހާލަތުގައި ފަރުވާދޭ ފަރާތްތަކުން މައުލޫމާތުދޭގޮތުގައި ގިނަ މީހުން މަރުވެފައިވަނީ، މިދިޔަ ހުކުރު ދުވަހާއި އަދި ހޮނިހިރު ދުވަހު ބޯކޮށް ވެހުނު ވާރޭގައި ބިނގަޑު ކަނޑައިގެންގޮސް ފޭބި ކިސަޑުގެ ދަށުވެގެންނާއި އަދި ފެންބޮޑުވުމުގެ ސަބަބުން ކަމަށެވެ.
ބިނގަޑު ކަނޑައިގެންގޮސް ފޭބި ކިސަޑުގެ އަޑީގައި ގިނަ ގެތަކެއް ވަޅުލެވިފައި ވާއިރު 2،500 އަށްވުރެ ގިނަ މީހުންވަނީ ރައްކާތެރި ހިސާބުތަކަށް ބަދަލުކޮށްފައެވެ.
17 މީހުން ވީނުވީތަނެއް ނޭންގެ ގެއްލިފައިވާއިރު މީހުން ސަލާމަތް ކުރުމުގެ މަސައްކަތް ކަމާބެހޭ ފަރާތްތަކުންދަނީ މިހާރުދަނީ ކުރަމުންނެވެ.
މިދުވަސްވަރަކީ ބުރެޒިލުގެ ބަޔެއް ހިސާބުތަކަށް މޫސުންވަރަށް ގޯސް ދުވަސްވަރެކެވެ. އަދި މިފަދަ ގުދުރަތީ ހާދިސާތަކުގައި ކޮންމެ އަހަރަކުވެސް ބުރެޒިލުން ގިނަ އަދަދެއްގެ ބަޔަކު މަރުވެއެވެ.
