ބަދިގެތެރޭން މިއަދު މިގެނެސްދެނީ ސޯސީ ސޮސެޖް ތައްޔާރުކުރާނެގޮތެވެ.

ބޭނުންވާތަކެތި:

• 6 ސޮސެޖް (1 އިންޗިއަށް ކޮށާފައި)
• 1 ފިޔާ (ކުދިކޮށްކޮށާފައި)
• 2 ހިކަނދިފަތް (ކުދިކޮށްކޮށާފައި)
• 1 މިރުސް (ކުދިކޮށްކޮށާފައި)
• 1 ކެޕްސިކަމް (ކުދިކޮށްކޮށާފައި)
• 1 ޓޮމާޓޯ (ކޮށާފައި)
• 2 ސައިސަމްސާ ސޯޔާސޯސް
• 1 ސައިސަމްސާ ވެނެގާރ
• 2 ލޮނުމެދު (ގާނާފައި)
• 1 ސައިސަމްސާ އަސޭމިރުސް
• 1/2 ޖޯޑު ޓޮމާޓޯ ސޯސް
• 1/3 ޖޯޑު ޗިލީ ސޯސް
• ލޮނު (ރަހަލާވަރަށް)

ތައްޔާރުކުރާނެގޮތް:

އެންމެ ފުރަތަމަ ފިޔާ މިރުސް، ހިކަނދިފަތް އަދި ކެޕްސިކަމް ކުޑަ ތެޔޮފޮދެއްގައި ވަޅޯކޮށްލާށެވެ. ވަޅޯވުމުން ލޮނުމެދު އަޅާ ހާކާލުމަށްފަހު ޓޮމާޓޯ ސޯސް، ޗިލީ ސޯސް، ސޯޔާސޯސް ވެނެގާރ، އަސޭމިރުސް އަދި ރަހަލާވަރަށް ލޮނު އެޅުމަށްފަހު ރަނގަޅަށް އެއްކޮށްލާށެވެ. ދެން އެއަށްފަހު ސޮސެޖް ކޮޅު އަޅާ މަޑު ގިނީގައި ސޮސެޖް ކޮޅު އަދި ޓޮމާޓޯ ކޮޅު ރޯފިލަންދެން ކައްކާލާށެވެ.

މިހާރު މިވަނީ ސޯސީ ސޮސެޖް ތައްޔާރުކޮށް ނިމިފައެވެ.