ގުޅީފަޅުގައި ބޭނުންކުރަމުންދިޔަ ޕްލާސްޓިކް ޝީޓްތަކެއް އޮޔާދާތީ، ކަނޑު ދަތުރުކުރާ ފަރާތްތަކުން ސަމާލުވާން އެދެފިއެވެ.
އެމްއެންޑީއެފްއިން ވިދާޅުވީ، މިއަދު އައި ބާރުގަދަ ކޮޅިގަނޑެއްގައި، ކ. ގުޅީފަޅުގައި ބޭނުންކުރަމުންދިޔަ 20 ފޫޓްގެ ގިނަ އަދަދެއްގެ ޕްލާސްޓިކް ޝީޓްތަކެއް ކަނޑަށް ދޫވެފައިވާކަމަށެވެ. އަދި މިތަކެތި އޮޔާދަނީ ވިލިމާލެ އާއި މާލެ އާ ދޭތެރެއިން އިރުއުތުރަށް ކަމަށާއި، މިސަރަޙައްދުން ދަތުރުކުރާ ފަރާތްތަކުން މިތަކެއްޗަށް ސަމާލުވުމަށްވެސް އެމްއެންޑީއެފުން އެދިފައިވެއެވެ.
Miadhu ai baarugadha kolhigandehgai, K.Gulhifalhugai beynun kuramundhiya 20ft ge gina adhadhehge plastic sheet thakeh kan’dah dhoove, Villimale’ aai Male’ aa dheytherein iru uthurah oyaa dhaathee, e sarahahdhun dhathurukuravvaa faraaiythakun samaaluvumah ilthimaas kuran.
— Maldives National Defence Force (@MNDF_Official) June 13, 2020
މި ދުވަސް ވަރަކީ ރާއްޖެއަށް ވިއްސާރަކޮށް މޫސުން ގޯސް ދުވަސްވަރެކެވެ. އެހެން ކަމުން މެޓް އޮފީހުން އަންނަނީ އެކި ސަރަހައްދުތަކަށް އެލާޓް ނެރެމުންނެވެ.
އެގޮތުން މޫސުން ގޯސްވުމާއި ގުޅިގެން ތަފާތު ގިނަ ހާދިސާތަކެއް މިދުވަސްވަރު ހިނގަމުންދާކަމަށްވެސް އެމްއެންޑީއެފްއިންވަނީ ވިދާޅުވެފައެވެ.
