ކުޅިވަރާ ބެހޭ ގައުމީ މަޖިލީހުގެ ރައީސްގެ މަގާމުގައި ހުންނެވި އުމުރުން 70 އަހަރުގެ އިބްރާހިމް އިސްމާއިލް އެ މަގާމުން އިސްތިއުފާ ދެއްވައި ކުޅިވަރުގެ ދާއިރާގައި އަމަލީ ގޮތުން ކުރައްވަމުން ގެންދެވި މަސައްކަތްތަކުން ރިޓަޔާވެއްޖެއެވެ. އިބްރާހިމް އިސްމާއިލް ރާއްޖޭގެ ކުޅިވަރުގެ ދާއިރާއަށް 44 އަހަރު ޚިދުމަތް ކުރެއްވާފައި ވެއެވެ.
ރާއްޖެޓީވީ އިން ގެނެސްދިން "ކުޅިވަރު ފައިލް" ގައި ވާހަކަ ދައްކަވަމުން ޔޫތު މިނިސްޓަރ އަހްމަދު މަހްލޫފް ވިދާޅުވީ، އިބްރާހިމް އިސްމާއިލަކީ ކުޅިވަރަށް އަދި ގައުމަށް ވަރަށް އެކިއެކި ރޮނގުތަކުން ވަރަށް ގިނަ ޚިދުމަތްތަކެއް ކުރައްވާފައިވާ، ހާއްސަކޮށް ކުޅިވަރުން ވަރަށް އަގުހުރި އަދި ވަރަށް ބޮޑު ޚިދުމަތްތަކެއް ކުރައްވާފައިވާ ފަރާތެއް ކަމަށާއި ކުޅިވަރުން ރާއްޖެއަށް ރީތި ނަމާއި އާ ކުޅިވަރުގެ ކަންކަން ތައާރަފުކޮށްދިން ފަރާތެއް ކަމަށެވެ.
އިބްރާހިމް އިސްމާއިލް ކުޅިވަރުގެ ދާއިރާގައި އަމަލީ ގޮތުން ދުރުވުމާއި ގުޅޭ ގޮތުން ވިދާޅުވީ، މިހާރު ދެން މަސައްކަތާއި ދުރުވެލަން ޖެހޭ ވަގުތު އަތުވެއްޖެ ކަމަށާއި، ކޮންމެ ކަމަކަށްވެސް ނިމުމެއް އަންނާނެ ކަމަށެވެ.
އިބްރާހިމް އިސްމާއިލް އެންމެ ފުރަތަމަ ހުންނެވީ ފުރަތަމަ އެކުލަވާލި ކުޅިވަރާ ބެހޭ ގައުމީ މަޖިލީހުގައި ތައުލީމާ ބެހޭ ވަޒީރު އައްޔަން ކުރައްވާ މެންބަރުގެ ގޮތުގައި މަޖިލީހުގައެވެ. މި ރައީސް ކަމަށް އިބްރާހިމް އިސްމާއިލް އައްޔަން ކުރެއްވީ 2016 ވަނަ އަހަރުއެެވެ. އޭގެ ފަހުން ކުޅިވަރާ ބެހޭ ގައުމީ މަޖިލީސް އެކުލަވާލައި، ރައީސް ކަމަށް އިބްރާހިމް އިސްމާއިލް މި ސަރުކާރުން ހަމަޖެއްސެވިއެވެ.
President of National Sports Council Mr. Ibrahim Ismail has officially retired from his duties as a Council Member. I would like to thank him for his invaluable service for the development of sports in Maldives. Wishing him good health and best of luck. ⭐️ pic.twitter.com/7cYjikhC7P
— Ahmed Mahloof (@AhmedMahloof) September 29, 2020
