މަނާކުރެވިފައިވާ މަސްތުވާތަކެތީގެ ބާވަތެއް ވިއްކަން އުޅުނު ކަމުގެ ތުހުމަތުގައި ހައްޔަރު ކޮށްފައިވާ ރަޝިޔާގެ ނޫސްވެރިޔާ އިވާން ގޮލަނޯވް އާއެކު ހުރިކަން އެގައުމުގެ ނޫސްތަކުން ބުނެފިއެވެ.
ރަޝިޔާގެ މަޝޫރު ތިން ނޫހަކުންވަނީ އެ ނޫސްތަކުގެ އެންމެ ފުރަތަމަ ސޮފްހާގައި ހައްޔަރު ކުރެވުނު ނޫސްވެރިޔާއެކު ހުރިކަން ދޭހަކޮށް ލިޔެފައެވެ.
ގިނަ ފަރާތްތަކުން ތުހުމަތުކުރާ ގޮތުގައި ނޫސްވެރިޔާ ހައްޔަރުކޮށްފައިވަނީ ނޫސްވެރިކަމުގެ އަޑު ކަނޑުވާލުމަށް ޓަކައެވެ.
ރަޝިޔާ އަކީ މިނިވަން ނޫސްވެރިކަމުގެ ދާއިރާއިން ވަރަށް ފަހަތުގައި އުޅޭ ގައުމެކެވެ. އަދި ރަޝިޔާގެ ގިނަ މީޑިއާތައް ކޮންޓުރޯލް ކުރަނީ ސީދާ ސަރުކާރުންނެވެ.
އިވާން ގޮލަނޯވް މިހާރު ހުރީ ގޭބަންދައް ބަދަލު ކޮށްފައެވެ.
