ބަދިގެތެރޭން މިއަދު މިގެނެސްދެނީ ވައިޓް ސޯސް ޕާސްޓާ ތައްޔާޔކުރާނެގޮތެވެ.

ބޭނުންވާތަކެތި:

1 ޖޯޑު ޕާސްޓާ (ފެނުކައްކާފައި)

1 ސައިސަމްސާ ލޮނުމެދު (ގާނާފައިި)

1 ސައިސަމްސާ އިނގުރު (ގާނާފައި)

1/2 ފިޔާ (ކިއުބްކޮށް ކޮށާފައި)

1/2 ކެޕްސިކަމް (ކިއުބްކޮށް ކޮށާފައި)

1/3 ކެރެޓް (ކިއުބްކޮށް ކޮށާފައި)

ލޮނު (ރަހަލާވަރަށް)

1 ހިކިމިރުސް (ފުނޑުވާލާފައި)

އަސޭމިރުސް (މުގުރާފައި)

2 ސައިސަމްސާ ބަޓާރ

1 ސައިސަމްސާ ފުށް

3 ފޮތި ޗީސް

1.5 ޖޯޑު ކިރު (ފުލްކްރީމް)

ތައްޔާރުކުރާނެގޮތް:

އެންމެ ފުރަތަމަ ތަވަޔަކަށް ކުޑަ ތެޔޮފޮދެއް ޖެހުމަށްފަހު ލޮނުމެދު އަދި އިނގުރު ކުޑަކޮށް ރަތް ކޮށްލާށެވެ. އެއަށްފަހު އޭގެތެރެއަށް ކެޕްސިކަމް، ކެރެޓް އަދި ފިޔާކޮޅު އަޅާ ވަޅޯވެލަންދެން ހާކާލާށެވެ. ވަޅޯވުމުން ކުޑަލޮނުކޮޅަކާއި އަސޭމިރުސް، އަދި ހިކިމިރުސްކޮޅު އަޅާ ރަނގަޅަށް އެއްކޮލާށެވެ. ދެން ނަގާ ވަކިން ތައްޓެއްގައި ބަހައްޓާށެވެ.

ދެން ތަވަޔަކަށް ބަޓާރ ކޮޅު އެޅުމަށްފަހު މެލްޓް ކޮށްލާށެވެ. ދެން އޭގެތެރެއަށް ފުށް އަޅާ އެއްކޮށްލާށެވެ. އެއަށްފަހު ކިރު ޖޯޑު އަޅާ ކައްކާލާށެވެ. ރަނގަޅަށް ކެކުމުން ޗީސް ފޮތިތަށް އަޅާ މެލްޓް ކޮށްލާށެވެ. ދެން  ކުޑަ އަސޭމިރުސް ކޮޅަކާއި ކުޑަ ލޮނުކޮޅެއް އެޅުމަށްފަހު ހާކާލާށެވެ. އެއަށްފަހު އެންމެފުރަތަމަ ވަޅޯކުރިބައި އަޅާ މިކްސް ކޮށްލާށެވެ. ދެން ޕާސްޓާކޮޅު އަޅާ ހާކާލާށެވެ.

މިހާރު މިވަނީ ވައިޓް ސޯސް ޕާސްޓާ ތައްޔާރުކޮށް ނިމިފައެވެ.