ރައްޔިތުންގެ މަޖިލީހުގެ މައްޗަންގޮޅި ދެކުނު ދާއިރާގެ މެމްބަރު އަހްމަދު ހައިތަމް އާއި އަނބިކަނބަލުން ޝަޖާން މުއާޒް ޝަހީމްއަށް އިންޒާރުދިން މައްސަލަ ފުލުހަށް ހުށަހަޅައިފިއެވެ.
ފުލުހުން އެކަން ކަށަވަރުކޮށްދީފައިވާއިރު، ވިދާޅުވީ، އެމައްސަލަ މިހާރު ތަޙުޤީޤު ކުރަމުންދާކަމަށެވެ.
ހައިތަމް ވިދާޅުވީި ގޮތުގައި އެދެމަފިރިންނަށް އިންޒާރު ދީފައިވަނީ ހަތަރު މީހުންގެ ގުރޫޕަކުންނެވެ. އެގޮތުން އެދެމަފިރިން ދިރިއުޅޭ އެޕާޓުމެންޓު ދޮރުމައްޗާއި ހަމަޔަށް އޭގެތެރެއިން ދެމީހަކު ފަހަތުން އިންޒާރު ދެމުންދިޔަަކަމަށްވެސް ހައިތަމް ވިދާޅުވިއެވެ. އަދި އެގޮތަށް ކަންކުރުމުން މާބަނޑު އަނބިކަބަލުންނަށް ނަފްސާނީ ގޮތުން އަސަރުކޮށްފައިވާ ކަަމަށްވެސް ވިދާޅުވި އެވެ.
އަދި މިހާދިސާއަށް ފަހު އަނބިކަނބަލުންނަށް ހޮސްޕިޓަލުގައި ފަރުވާ ވެސް ދޭން ޖެހުނުކަމަށް ހައިތަމް ވިދާޅުވިއެވެ.
މީގެ ކުރިންވެސް އެފަދަ އެތައް ފަހަރަކު އިންޒާރުދީ ޖެއްސުންކޮށް ހަދާފަވާކަމަށް ހައިތަމް ވިދާޅުވިއިރު، މީގެކުރިންވެސް އެ މައްސަލަތައްވެސް ފުލުހަށް ހުށަހަޅާފައި ވާނެ ކަމަށް އޭނާ ވިދާޅުވިއެވެ.
ހިޔާލު
ދެކަނބަލުން އެއްކޮށް ބޭރުގަ އުޅެނީ ހުއްދަ ލިބިގެންތޯ؟