ރައްޔިތުންގެ މަޖިލީހުގެ މައްޗަންގޮޅި ދެކުނު ދާއިރާގެ މެމްބަރު އަހްމަދު ހައިތަމް އާއި އަނބިކަނބަލުން ޝަޖާން މުއާޒް ޝަހީމްއަށް އަަށް އެއްމާބަނޑު ދެ ކުދިން ލިބިވަޑައިގެންފިއެވެ.
އެ ދެމެފިރިންނަށް އެއްމާބަނޑު ދެކުދިން ލިބިވަޑައިގަންކަން ހާމަކުރީ ހައިތަމްގެ މީސްމީޑިއާ އެކައުންޓްތައް މެދުވެރިކޮށެވެ. ހައިތަމް ވިދާޅުވީ، އޭނާ އާއި އަނބިކަނބަލު ޝަޖާން އަށް އެއްމާބަނޑު ދެ ކުދިން ލިބިވަޑައިގަތީ މިއަދުގެ ވަގުތެއްގައި ކަމަށެވެ.
ހައިތަމް ވިދާޅުވީ، އެ ދެމެފިރިންނަށް ލިބިވަޑައިގަތީ ފިރިހެން ކުއްޖަކާއި އަންހެން ކުއްޖެކެވެ. އަދި ދެ ކުދިންގެ ސިއްހަތުވެސް ރަނގަޅު ކަމަށް ހައިތަމް ހާމަކުރެއްވިއެވެ.
ހައިތަމް، ޝަޖާންއާ ކައިވެނި ބައްލަވައިގެންފައި ވަނީ މިދިޔަ އަހަރު އޮކްޓޫބަރު މަހުގެ ތެރޭގައެވެ.
ޝަޖާން މާބަނޑު ދުވަސްވަރު، ހައިތަމްގެ ކުރީގެ އަނބިކަނބަލުން ޝަޖާން އަށް ދިމާކޮށް އަނިޔާކުރަން އުޅުނު މައްސަލައެއް މިދިޔަ ޖޫން މަހު ވަނީ ފެންމަތިވެފައެވެ. އެ ހާދިސާގައި ޝަޖާން ވަނީ ހޮސްޕިޓަލުގައި އެނދުމަތިވެސް ކޮށްފައެވެ. އަދި މައްސަލަ ފުލުހުންނަށްވެސް ހުށަހެޅިއެވެ.
ٱلْحَمْدُ لِلَّٰهِ
We have been blessed with the most precious blessing life has to offer us, a healthy daughter & a son by the grace of الله سبحانه وتعالى@ShajaanMuaz
— Haitham Ahmed (@ahmhaitham) August 13, 2021
