ދުންފަތުގެ ބާވަތްތައް ޕެކެޓްކޮށް ލޭބަލް ޖެހުމާ ބެހޭ ގަވައިދާ އެއްގޮތަށް ވަކިން ސިނގިރޭޓު ވިއްކަމުން ނުދާކަން ޔަގީންކުރުމަށްޓަކައި ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ހާއްސަ އޮޕަރޭޝަނެއް ހިނގަން ނިންމައިފި އެވެ.
އެޗްޕީއޭ އިން އިއްޔެ ނެރުނު ނޫސްބަޔާނެއްގައި ބުނެފައިވަނީ، ދުންފަތުގެ ބާވަތްތައް ޕެކެޓް ކޮށް ލޭބަލް ޖެހުމާބެހޭ ގަވައިދަށް އަމަލު ކުރާ މިންވަރު ދެނެގަތުމުގެ ގޮތުން ވިޔަފާރި ކުރާ ތަންތަން ބަލާ ފާސް ކުރުމަށް ހާއްސަ އޮޕަރޭޝަން ތަކެއް އެޗްޕީއޭއާއި ކަމާ ގުޅޭ އެހެން މުއައްސަސާތައް ގުޅިގެން ފެށުމަށް ހަމަޖެހިފައިވާ ކަމަށެވެ.
މިގޮތުން މިހިނގޭ ހާއްސަ އޮޕަރޭޝަނުގައި ބޭނުންވާ ހާލަތްތަކުގައި، އިތުރު މައުލޫމާތު ހޯދުމަށް ތަންތަން ވަގުތީ ގޮތުުން ބަންދު ކުރުމަކީވެސް އެކަށީގެންވާ ކަމެއް ކަމަށް އެފަރާތުން މައުލޫމާތު ދެއެވެ.
ވަކި ސިނގިރޭޓު ވިއްކުން މިދިޔަ މެއި މަހުގެ 31 ވަނަ ދުވަހު ވަނީ މަނާކޮށްފަ އެވެ.
