އެފްރިކާ ކަޕް އޮފް ނޭޝަންސްގެ ގަދަ 16 ގައި ރޭ ޔޫގެންޑާ އަދި ސެނެގޯލް ބައްދަލުކުރި މެޗުން މޮޅުވެ ސެނެގޯލް މުބާރާތުގެ ކުއާޓާއަށް ދަތުރުކޮށްިފއެވެ.
1-0 ގެ ނަތީޖާއަކުން ސެނެގޯލް މޮޅުވި މިމެޗުގެ ހަމައެކަނި ލަނޑު ޖަހާދީފައިވަނީ ސާޑިއޯ މާނޭއެވެ. އޭރިއާ ބޭރުން ލިބުނު ބޯޅައާއެކު އެތެރެއަށްވަދެ މާނޭ މިލަނޑު ޖަހާފައިވަނީ ވާތުފައިން ގޯލްގެ ކަނާތު ތިރީ ކަނަށެވެ.
ޔޫގެންޑާގެ ފަރާތުން ގިނަ ގޯސްތަކެއް ފެނިގެން މިމެޗުގައި އެޓީމުކޮޅަށް ސެނެގޯލްއިން ޖެހި ލަނޑު ޖަހާފައިވަނީ މެޗުގެ 15 ވަނަ މިނަޓްގައެވެ.
ދެޓީމުގެ ފަރާތުންވެސް ހަލުވި ކުޅުމެއް ފެނިގެންދިޔަ މިމެޗުގައި ޔޫގެންޑާއިން ލަނޑުޖަހަށްކުރި މަސައްކަތްތަކުގެ ހުރަހަކަށްވީ ސެނެގޯލްގެ ކީޕަރު ގޯމިސްއެވެ.
މީގެ އިތުރުން ލީޑު ފުޅާކުރަން ލިބުނު ރަނުގެ ފުރުޞަތެއް މާނޭވަނީ ގެއްލުވާލާފައެވެ. އޭރިއާތެރެއިން ޔޫގެންޑާގެ ކީޕަރު މާނޭއަށް ކުރި ފައުލަކާއި ގުޅިގެން ލިބުނު މިޕެނަލްޓީވަނީ ޔޫގެންޑާގެ ކީޕަރު ދިފާޢުކޮށްފައެވެ. 61 ވަނަ މިނަޓްގައި މިޕެނަލްޓީ ފޮނުވާލީ މާނޭއެވެ.
ކުއާޓާ ފައިނަލްގައި ސެނެގޯލް ބައްދަލުކުރަންޖެހޭނީ ބެނިންއާއެވެ.
