އެފްރިކާ ކަޕް އޮފް ނޭޝަންސްގެ ކުއާޓާގައި ރޭ ކުޅުނު މެޗުގެ ފަހު ވަގުތު ޖެހި ލަނޑާއެކު ސައުތު އެފްރިކާ ބަލިކޮށްނައިޖީރިއާ މުބާރާތުގެ ސެމީއަށް ދަތުރުކޮށްފިއެވެ.
2-1 ގެ ނަތީޖާއަކުން ނައިޖީރިއާ މޮޅުވި ރޭގެ މެޗުގައި ނައިޖީރިއާގެ ފަރާތުން މޮޅު ކުޅުމެއް ފެނިގެން ގޮސްފައިވާއިރު އެޓީމުގެ ޑިފެންސް ލައިން މެޗުގައި ދެއްކި ކުޅުން ފާހަގަކޮށްލެވެއެވެ.
މެޗުގެ ފުރަތަމަ 27 ވަނަ މިނަޓްގައި ނައިޖީރިއާގެ ސަމުއެލް ޗުކްވޭޒޭއެވެ. ފުރަތަމަ ހާފު މިނަތީޖާގައި އޮވެ ނިމިގެންދިޔައިރު ސައުތުއެފްރިކާއިން މެޗުގެ ނަތީޖާ ހަމަހަމަކޮށްފައިއވަނީ 71 ވަނަ މިނަޓްގައެވެ. ބޮންގާނީ ޒުންގޫގެ ފަރާތުން ފެނުނު މިލަނޑަކީ އޮފްސައިޑް ލަނޑެއްކަމަށް ގިނަބަޔަކަށް ހީކުރެވުނެވެ. ނަމަވެސް ވީއޭއާރު ބެލުމަށްފަހު ރެފްރީވަނީ އެއީ ރަނގަޅު ލަނޑެއްކަމަށް ނިންމާފައެވެ.
ނައިޖީރިއާގެ ނުރައްކާތެރި ހިލޭ ޖެހުމެއް ސައުތު އެފްރިކާގެ ކީޕަރު ވިލިއަމްސް ދިފާޢުކޮށްފައިވެއެވެ.
ނައިޖީރިއާ މޮޅުވި ލަނޑު މެޗުގެ 89 ވަނަ މިނަޓްގައި ޖަހައިދިނީ ވިލިއަން ޓްރޫސްޓް އީކޮންއެވެ.
ރޭގެ މެޗުގެ އެންމެ މޮޅު ކުޅުންތެރިއަކަށް ހޮވިފައިވަނީ ނައިޖީރިއާގެ ސަމުއެލް ޗުކްވޭޒޭއެވެ. ރޭގެ މެޗުގައި ޗުކްވޭޒޭ ޖަހައިދިން ލަނޑާއެކު އޭނާ ވެގެން ގޮސްފައިވަނީ މިއަހަރުގެ މުބާރާތުގައި ލަނޑުޖެހި އެންމެ ޒުވާން ކުޅުންތެރިޔާއަށެވެ.
އުމުރުން 20 އަހަރުގެ ޗުކްވޭޒޭ މެޗަށްފަހުބުނީ، މެޗުގެ އެންމެ މޮޅު ކުޅުންތެރިޔާއަށް ވުމުން އުފާވާކަމަށާއި، މެޗުގައި ވަރަށް ހިތްވަރާއެކު ގަދަޔަށް ނައިޖީރިއާއިން މަސައްކަތްކުރިކަމަށެވެ.
ސެމީ ފައިނަލްގައި ނައިޖީރިއާ ބައްދަލުކުރަންޖެހޭ ޓީމެއް ކަށަވަރުވާނީ އައިވަރީ ކޯސްޓް އަދި އަލްޖީރިއާ ބައްދަލުކުރާ ކުއާޓާ ފައިނަލް މެޗަށް ފަހުގައެވެ.
