ކ.ގުރައިދޫއިން މަހަށް ދިޔަ ދޯންޏެއްގައި އެންވަތުގައި މަސްވެރިޔަކު ނިޔާވެފައި އޮއްވާ ފެނިއްޖެއެވެ.

ފުލުހުން ވިދާޅުވީ، ކ.ގުރައިދޫއިން މަހަށް ދިޔަ ދޯންޏެއްގައި ހުރި 23 އަހަރުގެ ދިވެހި ފިރިހެނެއް ދޯނީގެ ވަތުތެރެއަށް ވެއްޓި ހަރަކާތް ހުއްޓިފައިވާ ކަމުގެ މައްސަލައެއް ރޭ ފަތިހު 03:58 ހާއިރު ފުލުހުންނަށް ހުށަހެޅިފައިވާ ކަމަށެވެ.

އެ މައްސަލައާއި ގުޅިގެން އެމީހާ މިއަދު ހެނދުނު 06:55 ހާއިރު ގުރައިދޫ ޞިއްޙީމަރުކަޒަށް ގެންގޮސްފައިވާ ކަމަށާއި، ޞިއްޙީމަރުކަޒަށް ގެންދިޔައިރުވެސް އެމީހާ ނިޔާވެފައިވާކަމަށް ޞިއްޙީމަރުކަޒުން މަޢުލޫމާތު ދީފައިވާކަމަށް ފުލުހުން ވިދާޅުވިއެވެ.

"މިހާދިސާ އާއި ގުޅިގެން މިހާތަނަށް ފުލުހުން ބެލި ބެލުމުން ބޭރުފުށުން އެއްވެސް ޒަހަމެއް ފެންނާކަށް ނެތް." ފުލުހުން ވިދާޅުވިއެވެ.

ފުލުހުން އިތުރަށް ވިދާޅުވީ، މި ހާދިސާއާއި ގުޅިގެން ފުލުހުން ބަލަންޖެހޭ ކަންކަން ބަލަމުންދާ ކަމަށެވެ.