އައްޑޫ ސިޓީގައި ނުރައްކާތެރި އެކްސިޑެންޓެއް ހިނގައި ކުޑަކުއްޖަކަށް އަނިޔާވެއްޖެއެވެ.
މައުލޫމާތު ލިބިފައިވާ ގޮތުގައި މިހާދިސާ ހިނގާފައިވަނީ އައްޑޫ ސިޓީ ހިތަދޫގައެވެ. ސައިކަލަކާއި ކާރެއް ޖެހި ހިންގި މި ނުރައްކާތެރި އެކްސިޑެންޓްގައި ކުޑަކުއްޖަކަށް ވަނީ ސީރިއަސް އަނިޔާތަކެއް ވެފައެވެ.
މި ހާދިސާގައި އެކުއްޖާގެ ބޯ ފަޅައިގެންގޮސްފައިވާ ކަމަށް މައުލޫމާތު ލިބެއެވެ.
މިހާދިސާ ހިނގިވަގުތު ސައިކަލް ދުއްވަން އިނީ އަންހެނެކެވެ. އޭނާ އަށް ސީރިއަސް އަނިޔާއެއް ލިބިފައި ނުވާކަމަށް ވަނީ މައުލޫމާތު ލިބިފައެވެ.
މި އެކްސިޑެންޓާއި ގުޅިގެން ފުލުހުން އަދި މީޑިއާއަށް މައުލޫމާތު ހާމަކޮށްފައެއް ނުވެއެވެ.
