މ. މުލިން ފުރައިގެން މާލެއަށް ދަތުރު ކުރި ސީ އެމްބިއުލާންސް ލޯންޗްއަކާއި، މާލެ އިން ފުރައިގެން ދަތުރު ކުރި ލޯންޗެއް އެކްސިޑެންޓްވެ ބައެއް މީހުންނަށް އަނިޔާވެއްޖެއެވެ.
އެމްއެންޑީއެފް އިން ވިދާޅުވީ، މ.މުލިން ފުރައިގެން މާލެ ދަތުރުކުރި ސީއެމްބިއުލަންސް ލޯންޗަކާއި މާލެ އިން ފުރައިގެން ދަތުރުކުރި އެހެން ލޯންޗެއް އިތާފުށި ރިސޯޓު ކައިރިން ކަނޑުމަތިން އެކްސިޑެންޓުވެ ދެ ލޯންޗުގައި ތިބި ބައެއް މީހުންނަށް އެކިވަރުގެ އަނިޔާ ލިބިފައިވާ ކަމަށެވެ.
އެމްއެންޑީއެފް އިން ވިދާޅުވީ، މި ހާދިސާގެ ރިޕޯޓު ލިބިފައިވަނީ ރޭ އެކެއް ޖެހިހާއިރު ކަމަށާއި، މި ހާދިސާ ހިނގި އިރު ސީއެމްބިއުލަންސް ލޯންޗުގައި އަށް މީހުން ތިބި ކަމަށާއި އޭގެ ތެރެއިން ދެ މީހަކައަށް އެކިވަރުގެ އަނިޔާ ލިބިފައިވާއިރު އެކްސިޑެންޓްވި އަނެއް ލޯންޗުގައި ދެ މީހުން ތިބި ކަމަށްވެސް އެމްއެންޑީއެފް އިން ވިދާޅުވިއެވެ. އޭގެ ތެރެއިން އެ ލޯންޗު ދުއްވަން ހުރި ކެޕްޓަނަށް އެކިވަރުގެ އަނިޔާ ލިބިފައިވާކަމުގެ މައުލޫމާތު ލިބިފައިވެއެވެ.
M.Mulin furaigen Male' dhathurukuri Sea Ambulance launch akaai ehen launch eh Ithaafushi resort kairin kandumathin accident ve baeh meehunah eki varuge aniyaa vegen MNDF Male' Area CG Squadron in harakaaiytherivaan fashaifi. Mi haadhisaage report libifaivanee mirey 01:00 haairu
— Maldives National Defence Force (@MNDF_Official) January 4, 2021
