މަސްވެރިކަމަށް ނިކުމެ އުޅު ދޯންޏެއްގައި ހުރި ޒުވާނަކަށް އަވަސް ފަރުވާ ދިނުމަށް އޭނާ ގެނައުމުގެ މަސައްކަތް ކުރަމުންދާ ކަމުގައި އެމްއެންޑީއެފް އިން ވިދާޅުވެއްޖެއެވެ.
އެމްއެންޑީއެފް އިން ވިދާޅުވެފައި ވަނީ އަވަސް ފަރުވާއަށް ގެނައުމުގެ މަސައްކަތް ކުރަމުންދަނީ ގއ.ހިތަދޫ ކައިރިން އެންދަމަން އުޅުނު "މަސް ހަޒާނާ 5" ދޯނީގައި ހުރި ދިވެހި ފަޅުވެރިއަކަށް ކަމަށެވެ. އަދި އޭނާއަށް ދިމާވި ކުއްލި ސިއްހީ މައްސަލަ އަކާއި ގުޅިގެން އެމްއެންޑީއެފް ސެންޓްރަލް އޭރިއާގެ އެހީތެރިކަމާއެކު، ގއ ހޮސްޕިޓަލަށް ގެންދިއުމުގެ މަސައްކަތް ކުރަމުންދާ ކަމަށްވެސް އެމްއެންޑީއެފް އިން ވިދާޅުވިއެވެ.
Ga.Hithaadhoo kairi endhaman ulhunu "Mas Khazana 05" namakah kiyaa masdhoaneegai huri 30 aharuge dhivehi falhuveriaku sihhee avas faruvaa ah Ga.Atoll hospital ah gendhiumah MNDF SA CG Squadron in harakaaiytheri vanee. Mi haadhisaage mauloomaathu libifaivanee mirey 20:18 haairu. pic.twitter.com/JSIlJCJdkQ
— Maldives National Defence Force (@MNDF_Official) January 11, 2021
އެމީހާއަށް ދިމާވީ ކޮންކަހަލަ ސިއްހީ މައްސަލައެއް ކަމެއް އަދި ސާފުވެފައެއް ނުވެއެވެ.
މަސްވެރިކަން ކުރަން އުޅުމުގެ ތެރޭގައި ބޮޑެތި އަނިޔާތައް މަދުން ނަމަވެސް ދަނީ ލިބެމުންނެވެ. އެގޮތުން މަސްވެރިކަން ކުރަން އުޅުމުގެ ތެރޭގައި ލޮލަށް ބުޅި ހެރުމާއި ކޮނޑުހުޅުން ނެއްޓުންފަދަ ކަންކަން މަދުންނަމަވެސް ދަނީ ދިމާވަމުންނެވެ.
ހިޔާލު
އެމްއެންޑީއެފް އިން ބުނީ (ގޯސް)
އެމްއެންޑީއެފުން ބުނީ (ރަނގަޅު ގޮތް)
ޓިޕް: އެމްއެންޑީއެފްއަކީ މުއައްސަސާއެއް. މުއައްސަސާ ނުވަތަ ތަނަކަށް ވިދާޅެއް ނުވެވޭނެ. ވިދާޅުވެވޭނީ މީހުންނަށް.