ފުށިފަރު ރިސޯޓުން ޖެޓްސްކީ އެއްގައި ފުރި 2 ދިވެހިން ގެއްލިގެން ހޯދުމުގެ މަސައްކަތް މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން ފަށައިފިއެވެ.
އެމްއެންޑީއެފް އިން ވިދާޅުވީ، މި ޖެޓްސްކީގައި ދަތުރުކޮއްފައިވަނީ އަންހެނަކާއި ފިރިހެނެއް ކަމަށާއި، މި ދެމީހުންނަކީވެސް އެރިސޯޓްގެ މުވައްޒަފުން ކަމަށެވެ.
މިހާދިސާގެ ރިޕޯޓް އެމްއެންޑީއެފް އަށް ލިބިފައިވަނީ މިރޭ 19:04 ހާއިރު ކަމަށާއި، އެމީހުން ހޯދުމުގެ މަސައްކަތް ކޯސްޓްގާޑްގެ ޑައިވަރުން ކުރަމުންދާ ކަމަށްވެސް އެމްއެންޑީއެފް އިން ވިދާޅުވިއެވެ.
މި ދެމީހުން ޖެޓްސްކީ ދުއްވާލަން ނިކުމެފައިވަނީ މަޖަލަކަށް ކަމަށާއި، އެ މީހުން ދިޔައީ ލައިފް ޖެކެޓް އެއްޗެހިވެސް އަޅައިގެން ކަމަށް އެމްއެންޑީއެފް އިން ވިދާޅުވިއެވެ.
Fushifaru Resort in jetski ehgai furi, 2 dhivehsseh gelligen MNDF Northern Area Coast Guard Squadron in harakaaiytherivanee. Mi jetski gai dhathurukoffaivanee firihenakaai anheneh. Mi haadhisaage report libifaivanee mirey 19:04 haairu pic.twitter.com/s6DCa1TvLH
— Maldives National Defence Force (@MNDF_Official) January 23, 2021
ގެއްލިގެން ހޯދަމުންދަނީ އުމުރުން 24 އަހަރުގެ ފިރެހެނަކާއި އުމުރުން 29 އަހަރުގެ އަންހެނެއް ކަމަށްވެސް އެމްއެންޑީއެފް އިން ވިދާޅުވިއެވެ. އަދި ގެއްލިގެން ހޯދާ ދެމީހުންގެ ތެރެއިން އަންހެންމީހާ ފޯނު ގެންދިޔަކަމަށް މައުލޫމާތު ލިބިފައިވާ ކަމަށާއި، އެހެން ނަމަވެސް ފޯނާއި ގުޅުމުން ރިންގްވި ނަމަވެސް ފޯނަށް ޖަވާބެއް ނުދޭ ކަމަށްވެސް އެމްއެންޑީއެފް އިން ވިދާޅުވިއެވެ.
އެމްއެންޑީއެފް އިން ވިދާޅުވީ، ގެއްލިގެން ހޯދަމުންދިޔަ 2 މީހުނާއި ޖެޓްސްކީ މިރޭ 20:42 ހާއިރު ޅ.އަތޮޅުގައި އޮންނަ ކުރެއްދޫ އައިލެންޑް ރިސޯޓްކައިރިން ފެނިފައިވާ ކަމަށާއި، މިދެމީހުން ފެނިފައިވަނީ ކުރެއްދޫ ރިސޯޓްގެ ލޯންޗަކަށް ކަމަށެވެ.
މި ދެމީހުންގެ ހާލުވެސް ރަނގަޅު ކަމަށާއި، ޖެޓްސްކީ ފެނިފައިވަނީ އިންޖީނު ހުއްޓި އޮޔާ ދަނިކޮށް ކަމަށްވެސް އެމްއެންޑީއެފް އިން ވިދާޅުވިއެވެ.
