ޓިކްޓޮކް މެދުވެރިކޮށް ދިވެހި ޒުވާނުންނަށް ރައްޔިތުންގެ މަޖިލީހުން ކުރަނީ ކޮން މަސައްކަތްތަކެއް ކަން އެނގިގެން ދާނެ ކަމަށް ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައްޔިތުންގެ މަޖިލީހުންވެސް ޓިކްޓޮކްގައި އެކައުންޓެއް ހުޅުވާ، ބޭނުން ކުރަން ފެށުމުން އެކަމާއި ގުޅިގެން ކުރެއްވި ޓްވީޓެއްގައި ރައީސް ނަޝީދު ވިދާޅުވީ، މަޖިލީހުން ޓިކްޓޮކާއި ގުޅުމުން އެކަމާއި ވަރަށް އުފާ ކުރައްވާ ކަމަށާއި، މީގެ ސަބަބުން ރާއްޖޭގެ އިތުރު އާބާދީއަކަށް ފަސޭހައިން މަޖިލީހުގެ ކަންކަން ފެންނާނެ ކަމަށެވެ.
Good to see @mvpeoplesmajlis now on TikTok! It will help us ensure new audiences, esp. younger Maldivians, know what their parliament is doing.https://t.co/81H5Xq3Axz
— Mohamed Nasheed (@MohamedNasheed) January 25, 2021
މީގެއިތުރުން ރައީސް ނަޝީދު ވަނީ އެބޭފުޅާގެ ޓްވީޓްގައި ހާއްސަކޮށް ދިވެހި ޒުވާނުންނަށް މަޖިލީހުން ކުރާ ކަންކަން އެނގިގެން ދާނެ ކަން ފާހަގަކުރައްވާފައެވެ.
ރައްޔިތުންގެ މަޖިލީހުގެ އިދާރާ އިން ޓިކްޓޮކް އެކައުންޓެއް ހުޅުވާފައިވާކަން އިއުލާނު ކުރީ މިއަދު އެވެ. އެ އެކައުންޓް ހުޅުވައި މިއަދު ވީޑިއޯވެސް ވަނީ އާއްމުކޮށްފައެވެ.
