ރީތި ބީޗް ރިސޯޓު ކައިރީ އޮތް ފަރަކަށް ލޭންޑިން ކްރާފްޓެއް އުރި ދިޔަވަމުންދާތީވެ އެމްއެންޑީއެފް އިން ހަރަކާތްތެރިވާން ފަށައިފިއެވެ.
އެމްއެންޑީއެފް އިން ވިދާޅުވީ، ރީތި ބީޗް ރިސޯޓުގެ އިރުދެކުނުގައި އޮތް ފަރަކަށް 5 މީހުންނާއެކު ދަތުރުކުރި "ސީ ޕްރޯ" ނަމަކަށް ކިޔާ ލޭންޑިން ކްރާފްޓެއް އުރި ދިޔަވަމުން ދާކަމުގެ ރިޕޯޓު ލިބިފައިވާކަމަށެވެ.
މި ހާދިސާގެ ރިޕޯޓު ލިބިފައިވަނީ، ރޭ ދަންވަރު 02:59 ހާއިރުއެވެ.
Reethi Beach Resort ge irudhekunun oiy farakah, 5 meehunnaa eku dhathrukuri "Sea Pro Landing Craft" uri dhiyavamundhaa kamuge report libumaa gulhigen MNDF Northern Area Coast Guard Squadron in harakaaiytheri vanee. Mi haadhisaa ge report libifaivany rey dhanvaru 02:59 haairu pic.twitter.com/Nqj6i4LgXj
— Maldives National Defence Force (@MNDF_Official) February 17, 2021
މި އުޅަނދުގައި ހުރީ 2 ދިވެހިންނާއި 3 ބިދޭސީންނެވެ.
މި ސަރަހައްދުގައި އެމްއެންޑީއެފްގެ ނޮދަން އޭރިއާގެ ކޯސްޓްގާޑުން ދަނީ ހަރަކާތްތެރިވަމުންނެވެ. އަދި މި ލޭންޑިން ކުރާފްޓްފެ ވެރިފަރާތް ހަމަޖެއްސި އުޅަނދެއްވެސް ދަނީ ހަރަކާތްތެރިވަމުން ކަމަށް އެމްއެންޑީއެފް އިން މައުލޫމާތު ދެއެވެ.
