އައިޖީއެމްއެޗްގެ ފަރާތުން ފުރަތަމަ ފަހަރަށް ހޮސްޕިޓަލް ފަންޑެޑް ޓްރެއިނިންގ ޕްރޮގްރާމް ތަޢާރަފްކޮށް 5 ދާއިރާއަކުން މަތީ ތަޢުލީމާއި ތަމްރީނުގެ ފުރުސަތު ދީފިއެވެ.
އައިޖީއެމްއެޗުން ވިދާޅުވީ 5 ދާއިރާއަކުން މަތީ ތަޢުލީމާއި ތަމްރީން ހޯދުމަށް ކުދިން ދިޔުމަށް ހަމަޖެހި ފައިވާކަމަށާއި، އެގޮތުން މި 5 ދާއިރާއަކީ، މާސްޓަރސް އޮފް ޕީޑޯޑޮންޓިކްސްއާއި ފެލޯޝިޕްއިން އޮންކޯޕެތޮލޮޖީއާއި މާސްޓަރސްއިން އިންފެކްޝަން ކޮންޓްރޯލް ނަރސިންގއާއި ތިއޭޓަރ، ޕްރީއޮޕަރޭޓިވް އެނީސްތީޝިއާ ނަރސިންގެ އިތުރުން ބެޗެލަރސް އޮފް ބައޮމެޑިކަލް އިންޖީނިއަރިންގ ޓެކްނޮލޮޖީގެ ދާއިރާކަމަށް އައިޖީއެމްއެޗްއިން ވިދާޅުވެއެވެ.
އައިޖީއެމްއެޗުން ވިދާޅުވީ މި 5 ދާއިރާއަށް ހޮވިފައިވަނީ ކުރިމަތިލުމަށް ހުޅުވާލި ފުރުސަތުގައި އެޕްލައިކުރި ފަރާތްތަކުގެ ތެރެއިން ޝަރުތު ހަމަވާ ފަރާތްތައްކަމަށެވެ. އަދި މިހާރު ހުރިހާ ދާއިރާތަކުން ވެސް ފުރުސަތު ލިބިފައިވާ ފަރާތްތަކަށް ކޯސް އެވާޑްކޮށްފައިވާކަމަށް އައިޖީއެމްއެޗުން ވިދާޅުވެއެވެ.
އައި.ޖީ.އެމް.އެޗްގެ ފުރަތަމަ "ހޮސްޕިޓަަލް ފަންޑެޑް ޓްރޭނިންގ" ޕްރޮގްރާމްގެ ދަށުން ހޮވިފައިވާ 5 މުވައްޒަފުންގެ ތެރެއިން ފުރަތަމަ މުވައްޒަފު ޑރ. މަރިޔަމް ރަފާ ޕީޑޯޑޮންޓިކްސްގެ ދާއިރާއިން ސްޕެޝަލައިޒްވުމަށް ފަސް އަހަރުގެ ކޯހަކަށް މިއަދު ވަނީ ބަންގުލަދޭޝްއަށް ފުރާވަޑައިގެންފަ. pic.twitter.com/kkVV0AYr6n
— IGMH (@igmhmv) February 23, 2021
ހޮސްޕިޓަލް ފަންޑެޑް ޓްރެއިނިންގ ޕްރޮގްރާމަކީ އައިޖީއެމްއެޗުގައި ހިންގާ މިފަދަ ފުރަތަމަ ޕްރޮގްރާމްކަމަށް އައިޖީއެމްއެޗުން ވިދާޅުވެއެވެ. އެހޮސްޕިޓަލުން އަންނަނީ ހޮސްޕިޓަލްގެ އެކި ޑިޕާޓްމަންޓުތަކުން ދެމުން އަންނަ ޚިދުމަތްތައް ފުޅާކޮށް ރައްޔިތުންނަށް ބޭނުންވާ މުހިއްމު ގިނަ ޚިދުމަތްތައް ތަޢާރަފްކޮށްދެމުންނެވެ.
