އައްޑޫ ސިޓީ ފޭދޫ އަށް ގެނެސްފައިވާ އަސްތަކާއެކު މާދަމާއިން ފެށިގެން ފޮޓޯ ނެގޭނެކަމަށް ސަދަން ސްޓޭލިއަންސް އިން ބުނެފިއެވެ.

ސަދަން ސްޓެލިއަންސް ބުނީ، އަސްތައް ބަލާލައި ފޮޓޯ ނެގުމުގެ ފުރުސަތު މާދަމާއިން ފެށިގެން ހުޅުވާލުމަށް ނިންމާފައިވާ ކަމަށެވެ. ނަމަވެސް މިއީ އަސްލު ހުޅުވާލުން ނޫންކަމަށާއި އެހެންކަމުން އަސްތައް ދުއްވުމުގެ ފުރުޞަތު އާންމުންނަށް އަދި ނުލިބޭނެކަމަށްވެސް އެ ކުންފުނިން ބުންޏެވެ.

އެއީ އަސްތައް މިމާޙައުލަށް ސެޓްލްވާން އަދި ވަގުތު ބޭނުންވާތީއެވެ. އަދި އަސްތައް ދުއްވުމުގެ އިންތިޒާމު ހަމަޖެހުމުން އެކަން އަންގާނެ ކަމަށްވެސް އެ ކުންފުނިން ބުނެއެވެ.

މީގެއިތުރުން އަސްތައް ދުއްވުމުގެ އިންތިޒާމު ހަމަޖެހުމުން އެކަން އެ ކުންފުނީގެ މިސް މީޑިއާ އެކައުންޓްތައް މެދުވެރިކޮށް އަންގަމުންދާނެ ކަމަށްވެސް ސަދަން ސްޓެލިއަންސްއިންވަނީ ބުނެފައެވެ.

Guys! So we will be open for you all to see the horses and click some pictures from tomorrow onwards. Do take note that this is not the actual opening. Therefore there won’t be no riding just yet. The horses still need time to settle.

— Southern Stallions (@dekunustallions) March 10, 2021

އަސްތައް ބަލާލުމުގެ ފުރުސަތު ހުޅުވާލާފައިވަނީ ކޮންމެ ދުވަހެއްގެ ހެނދުނު 9 އިން މެންދުރު 12 އަށް އަދި ހަވީރު 4 އިން 6 ގެ ނިޔަލަށެވެ. އަސްތައް ބަލަން އަންނަ ކޮންމެ މީހެއްގެ އަތުން 20 ރުފިޔާގެ ފީއެއް ނެގުމަށް ވަނީ ހަމަޖެހިފައެވެ.

ރާއްޖޭގައި އަސް ނުގެންގުޅުނު ނަމަވެސް މީގެކުރިންވެސް އިސްތިހާރު ކުޅުންފަދަ ބޭނުންތަކަށް ރާއްޖެއަށް އަސް އެތެރެކޮށްފައިވެއެވެ.

https://feshun.wonstasite.com/114889