ގައުމު މިއޮތީ ފުލުސްޓޮޕެއްގައި ކަމަށް މިނިސްޓަރ އޮފް ކޮމިއުނިކޭޝަންސް، ސައިންސް އެންޑް ޓެކްނޮލޮޖީގެ މަގާމުގައި ކުރިން ހުއްނެވި މުހައްމަދު މަލީހު ޖަމާލް ވިދާޅުވެއްޖެއެވެ.
މަލީހު މިހެން ވިދާޅުވެފައިވަނީ، މޯލްޑިވްސް ރިފޯމް މޫވްމަންޓް (އެމްއާރްއެމް) އަށް ހައުސިން މިނިސްޓްރީ ހަވާލުކުރުމަކީ ދަންތުރައެއްގެ ގޮތުގައި ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ސިފަކުރެއްވި ސިފަކުރެއްވުމަށް ރައްދު ދެއްވަމުންނެވެ.
މި މައްސަލައިގައި މަލީހު މިރޭ ކުރެއްވި ޓުވީޓެއްގައި ވިދާޅުވީ، ކޯލިޝަން ލީޑަރުންނަށް ހެދުނު އެންމެ ބޮޑު ގޯހަކީ އެމްޑީޕީއަށް 2018ގެ ރިޔާސީ ކެންޑިޑެސީ ދޫކޮށްލެއްވުން ކަމަށާއި އެމްޑީޕީގައި ވެރިކަން ކުރުމުގެ ފަންނުވެރިކަން އަދި އަށަ ނުގައްނަ ކަމަށެވެ. އެފަދަ ލީޑަރެއްވެސް ނެތްކަމަށެވެ. އަދި ގައުމު މިއޮތީ ފުލުސްޓޮޕެއްގައި ކަމަށެވެ.
Coalition leaderunnah hedhunu emme bodu goahakee MDP ah 2018 ge riyaasee candidacy dhookohlevun. MDP ga verikan kurumuge fannuverikan adhi asha nuganey. Efadha leadereh neiy. Thauleemee efenvaru huri beyfulhakuves kuree safun nufeney. Qaumu miothee fulustoppegga. https://t.co/zheHoYCV90
— Mohamed Maleeh Jamal (@maleehjamal) March 23, 2021
މިނިސްޓަރ އޮފް ކޮމިއުނިކޭޝަންސް، ސައިންސް އެންޑް ޓެކްނޮލޮޖީގެ މަގާމުން މަލީހު ވަކިކޮށްފައިވަނީ ރައްޔިތުންގެ މަޖިލީހުން މަލީހުގެ އިތުބާރު ނެއްކަމަށް ފާސްކޮށްގެންނެވެ. މަލީހަކީ މި ސަރުކާރުގެ ވަޒީރުންގެ ތެރެއިން އިތުބާރު ނެއްކަމަށް ފާސްކޮށް ވަޒީރުކަމުން ވަކިކުރި ފުރަތަމަ ވަޒީރެވެ.
