ޓޫރިޒަމް މިނިސްޓްރީން ގެޒެޓްކޮށްފައިވާ އިޢުލާނެއްގައި ބުނީ ޓޫރިޒަމް ތަރައްގީ ކުރުމަށް ބީލަމުގެ އުސޫލުން ކުއްޔަށް ދޫކުރުމަށް ކަނޑައަޅުއްވާފައިވާ ރަށްރަށާއި ބިންބިމުގެ ތެރެއިން އިތުރު ރަށްތަކެއް ބީލަމަށް ހުޅުވާލަން ނިންމާފައިވާ ކަމަށެވެ.

އެގޮތުން ބީލަމަށް ހުޅުވާލި ރަށްތަކަކީ، ހއ. ވެލިފިނޮޅު، ހއ. އަލިދުއްފަރުފިނޮޅު، ހދ. ކުޑަފަރުފަސްގަނޑު، މ. ސީދީހުރާ އާއި އެކު ސީދީހުރާ ވެލިގަނޑު، މ. މާއުސްފުށި، ތ. ކާއްޑޫ، ތ. ކަނިމީދޫ އުތުރުން 10 ހެކްޓަރުގެ ބިން، ތ. އޮޅުފުށި، އޮޅުފުށި ފިނޮޅާއެކު، ލ. ކަށިދޫ، ލ. ބޮޑުމުންޏަފުށި، ލ. ދޮންބެރެހާ (ހޮޅުރަހާ އާއެކު)، ގއ. މާރެހާ، ގއ. ފުނަދޫވިލިގިއްޔާ، ގދ. ކަނޑަހަލަގަލާ، ގދ. ކަޑެވާރެހާ، ދިގުރެހާ އާއެކު، ގއ. ކޮޓަރާ، ދެކާބާ (ފެރޭތަ ވިލިނގެއްލާ) ކޯޑިނޭޝަން 2.97 ރަށެވެ.

އަދި މިރަށްތައް ނެގުމަށް ޝައުޤުވެރިވެލައްވާ ފަރާތްތަކުން މަހުގެ 29 ވަނަ ދުވަހުގެ 10:00 ގައި ވަޗުއަލްކޮށް (ޒޫމް މެދުވެރިކޮށް) ބާއްވާ މައުލޫމާތު ސާފުކުރުމުގެ ބައްދަލުވުމުގައި ބައިވެރިވެ، އަންނަ މަހުގެ 10 ވަނަ ދުވަހު 10:00 އަށް ޓޫރިޒަމް މިނިސްޓްރީއަށް ބީލަން ހުށަހެޅުމަށް އެމިނިސްޓްރީންވަނީ އެދިފައެވެ.

އަދި ބީލަން ފޮތް މިހިނގާ އޭޕްރީލް މަހުގެ 14 އިން ފެށިގެން ޖޫން 6 އަކާއި ހަމައަށް އެމިނިސްޓްރީގެ ވެބްސައިޓުންނާއި ވެލާނާ ބިލްޑީންގގެ ފަސްވަނަ ބުރީގައި ހުންނަ  ޓޫރިޒަމް މިނިސްޓްރީ ރިސެޕްޡޝަނުން ލިބެން ހުންނާނެކަމަށާއި، އިތުރު މަޢުލޫމާތު ޓޫރިޒަމް މިނިސްޓްރީގެ އީމެއިލް [email protected] މެދުވެރިކޮށް ލިބިގެންދާނެކަމަށްވެސް އެމިނިސްޓްރީންވަނީ ބުނެފައެވެ.

މި ސަރުކާރުން މީގެ ކުރިން ހަތަރު ރަށެއްގައި ރިސޯޓު ތަރައްގީ ކުރަން އިއުލާނުކުރިނަމަވެސް މި ރަށްތަކަށް ކުރިމަތިލާފައިވަނީ އެންމެ ފަރާތަކުންނެވެ. އެހެންކަމުން އެ ރަށްތައް ވެސް ފަހުން އިއުލާނު ކުރާނެ ކަމަށް ސަރުކާރުންވަނީ ބުނެފައެވެ.