އަލް އަޤްޞާ މިސްކިތާއި ފަލަސްޠީނާއި ގުޅޭ ގޮތުން ހުކުރުޚުޠުބާއެއް އައުން ވަރަށް މުޙިންމު ކަމުގައި ކުރީގެ އިސްލާމިކް މިނިސްޓަރ ޑރ. މުޙައްމަދު ޝަހީމް ޢަލީ ޞައީދު ވިދާޅުވެއްޖެއެވެ.

ޝަޙީމް މިހެން ވިދާޅުވެފައި މިވަނީ ފަލަސްޠީނުގެ ބިންތަކަށް ވެރިވެގަނެގެން އުޅޭ އިރާއީލުން އަނިޔާވެރި ހަމަލާތަކުގައި ފަލަސްޠީންގެ އެތައް ރައްޔިތުންނެއް ޝަހީދުވެ، އެތައްބަޔަކަށް ބޮޑެތި އަނިޔާތައް ލިބެމުން ދާ ދުވަސްވަރެއްގައެވެ.

އިސްރާޢިލުން ދެމުންދާ ހަމަލާތަކުގައި ފަލަސްޠީނުގެ އިމާރާތްތަށްވެސް އަންނަނީ ބިމާހަމަވަމުންނެވެ. މީގެ އިތުރުން އެތައް ބައިވަރު ކުޑަކުދިންނަކާއި އާންމު ރައްޔިތުންވެސް އަންނަނީ މި ހަމަލާ ތަކުގައި މަރުވަމުންނެވެ.

ޝަޙީމް ވިދާޅުވީ އަލް އަޤްޞާ މިސްކިތާއި ފަލަސްޠީނާއި ގުޅޭ ގޮތުން ހުކުރު ޚުތުބާއެއް އައުން ވަރަށް މުޙިންމުކަމަށާއި، އަދި ފަލަސްޠީނަށް ހެޔޮ ދުޢާ ކުރަން ހިތްވަރުދީ ރައްޔިތުންގެ ހިތްތަކުގައި އަޤްޞާ މިސްކިތުގެ ހަނދާންތައް އާކޮށްދީ އަދުގެ ޖީލުތަކަށް އެތަނުގެ މުޙިންމުކަން ބުނެދިން މުޙިންމުކަމަށެވެ.

Al-Aqsa miskithaai Falastheenaa gulhey gothun hukuru Khuthubaa eh aun varah muhimmu kamah feney. Falastheenah Heyo dhuaa kuran hivvaru dhee rayyithunge hiythakah Al- Aqsa miskithuge handhaan thah aakohdhee adhuge Jeeluthakah ethanuge muhimmukan bunedhinun muhimmu! @MVIaffairs

— Mohamed Shaheem Ali Saeed (@Mohamedshaheem1) May 14, 2021

އިސްރާއީލުން ފަލަސްޠީނަށް ހަމަލާ ދެމުން އަންނަތާ އެއް އަހަރެއް ވެފައިވާއިރު، މި ހަމަލާތަކައް ނިމުމެއް އައިސްފައެއް ނުވެއެވެ. ޚާއްސަކޮށް ކޮންމެ އަހަރަކުވެސް ރަމަޟާން މަހާއި ދިމާކޮށް އިސްރާއިލުގެ އަނިޔާވެރިކަން އިތުރުވެއެވެ.

މިއަހަރުވެސް ރަމަޟާންމަހު ވަނީ އިސްރާއިލުން އަނިޔާވެރިން އިތުރުވެ އަޤްޞާ މިސްކިތައް ދާ މީހުންނާއި ދެމެދު ހަމަނުޖެހުން ހިންގާފައެވެ.

އިސްރާއިލްގެ ހަމަލާތަކާއި ގުޅިގެން ފަލަސްޠީންގެ ޙަމާސް ޖަމާޢަތުން އަންނީ އިސްރާޢީލަށް އޭގެ ރައްދު ދެމުންނެވެ. އެގޮތުން އިސްރާޢިލަށް އަމާޒުކޮށް ޙަމާސް އިން ވަނީ އެތައް ސަތޭކަ ރޮކެޓް ހަމަލާއެއް ދީފައެވެ. އަދި މިހަމަލާތަކުގައި އިސްރާއިލްގެ ބައެއް މީހުން ވަނީ މަރުވެފައެވެ.

ފަލަސްޠީނާއި އިސްރާއިލުގެ ކުރިމަތިލުންތައް އިތުރުވެފައިވާއިރު، އިސްރާއީލުން އަންނަނީ ފަލަސްޠީނަށް ވަރުގަދަ ހަމަލާތަކެއް ދެމުންނެވެ.