ނުރައްކާތެރި ކޮވިޑް-19 ޖެހިގެން ރާއްޖެއިން މިއަދު ނިޔާވި މީހުންގެ އަދަދު 6 އަށް އަރައިފިއެވެ.
މިއީ ރާއްޖެއިން ކޮވިޑް-19 ގައި ނިޔާވި 167 ވަނަ މީހާއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ވިދާޅުވީ، މި ބަލީގައި މިއަދު 6 ވަނަ އަށް ނިޔާވެފައި ވަނީ އުމުރުން 62 އަހަރުގެ ދިވެހި ފިރިހެނެއްކަމަށެވެ. އޭނާ ނިޔާވީ ހުޅުމާލެ ކޮވިޑް ފެސިލިޓީގައި އެޑްމިޓްކޮށް ފަރުވާ ދެމުން އަންނަނިކޮށް މިއަދު މެންދުރު ފަހު 02:43 ގައެވެ.
ހުޅުމާލެ ކޮވިޑް ފެސިލިޓީގައި މިއަދު ވަނީ 4 މީހަކު ނިޔާވެފައެވެ.
Today at 02:43 pm a 62-year-old Maldivian male admitted at HMF has passed away
This is the 167th COVID-19 death in the Maldives
Our thoughts and prayers are with the bereaved family. May Allah grant his soul eternal peace in heaven
— Health Protection Agency (@HPA_MV) June 1, 2021
މީގެ އިތުރުން ދެން މި ބަލީގައި މިއަދު ނިޔާވެފައި ވަނީ ބ. އަތޮޅު ކޮވިޑް މެނޭޖްމަންތް ފެސިލިޓީގައި އެޑްމިޓްކޮށް ފަރުވާ ދެމުން އައި މީހަކާއި، އައިޖީއެމްއެޗްއަށް ގެންދިޔަ މީހެކެވެ.
ރާއްޖޭގައި މިބަލި އަދިވެސް އަންނަނީ ވަރަށް ހަލުވި ކަމާއެކު ފެތުރެމުންނެވެ. އަދި މި ބަލީގައި ނިޔާވާ މީހުންގެ އަދަދުވެސް ވަނީ ވަރަށް ބޮޑަށް އިތުރުވެފައެވެ.
ބަލި ކޮންޓްރޯލް ކުރުމަށްޓަކައި ސަރުކާރުން ވަނީ ހަރުކަށި ފިޔަވަޅުތަކެއްވެސް އަޅާފައެވެ.
މި ބައްޔަށް ފަރުވާ ހޯދަމުން އަންނަ ސައްވީސް ހާހަށްވުރެ ގިނަ މީހުން ރާއްޖޭގައި ތިބި އިރު، ހޮސްޕިޓަލުގައި 200 އަށްވުރެ ގިނަ މީހުން ތިބީ އެޑްމިޓްކޮށްފައެވެ.
