ރަސްމީ ދަތުރުފުޅެއްގައި ފުރާންސުގެ ހުޅަނގު ދެކުނަށް ވަޑައިގެން އުޅުއްވަނިކޮށް ރައީސް އިމެނުއެލް މެކްރޯން މޫނުފުޅުމަތީ ޖަހައިފިއެވެ.

މިހާދިސާގެ މަންޒަރުތައް މީސްމީޑިއާ ވެބްސައިޓުތަކުގައި މިހާރު އާންމުވެފައިވާއިރު މި މަންޒަރުތަކުން ފެއްނަނީ ތާއީދުކުރައްވާ ބޭފުޅުންނާ ސަލާމް ކުރައްވަމުން ވަޑައިގައްނަވަނިކޮށް މީހުންގެ ތެރެއިން އެކަކު ރައީސްގެ މޫނުފުޅުމަތީ ޖަހަން އުޅޭ މަންޒަރެވެ.

އާންމުވެފައިވާ ވީޑިއޯއިން ރައީސްގެ މޫނުފުޅުމަތީ ޖެހޭތަން ސީދާ އެހާ ސާފުނޫން ނަމަވެސް ރައީސްއާ ސަލާމްކުރުމަށް ތިބި މީހުންގެ ތެރެއިން މީހަކު ރައީސްގެ މޫނުފުޅުމަތީ ޖަހަން މަސައްކަތްކުރާތަން ފެނެއެވެ. މިއާއެކު ހަށިފާރަވެރިން ވަގުތުން ރައީސް އާއި އެމީހާއާއި ދެމެދަށްވަދެ ރައީސް ދުރަށް ލައެވެ.

Ce geste est honteux et inqualifiable.

— ⚜️ (@AlexpLille) June 8, 2021

ފުރާންސުގެ ޚަބަރުފަތުރާ ވަސީލަތްތަކުން މައުލޫމާތުދޭގޮތުގައި މިހާދިސާއާއި ގުޅިގެން މިހާތަނަށްވަނީ ދެމީހުން ހައްޔަރުކޮށްފައެވެ. ފުރާންސުގެ ޚަބަރުފަތުރާ ވަސީލަތްތަކުން އިތުރަށް ބުނެފައިވަނީ ރައީސްއަށް ހަމަލާދޭން އުޅުނު މީހާ އެ ހަމަލާދެމުން ފުރާންސުގެ ރަސްކަމުގެ ދުވަސްވަރު ހަނގުރާމައިގެ މައިދާނުގައި ގޮވާ ގޮވެލިފައްޗެއް ބޭނުންކޮށްފައިވާ ކަމަށެވެ.

ރައީސްއަށް ހަމަލާދިން މީހާގެ ވަނަވަރާއި އަދި ދިން މަގުސަދު އަދި ކަމާބެހޭ ފަރާތްތަކުން ހާމަކޮށްފައެއް ނުވެއެވެ.