އައްޑޫ ސިޓީއިން އިތުރު 3 މީހަކު ކޮވިޑް-19 އަށް ޕޮޒިޓިވް ވެއްޖެއެވެ.
އައްޑޫ އިމަޖެންސީ އޮޕަރޭޝަން ސެންޓަރުން ހާމަކޮށްފައިވާ ގޮތުގައި މިއަދު އެސިޓީއިން ފެނުނު 3 ކޭސްވެސް ފެނިފައިވަނީ މަރަދޫއިންނެވެ. އެގޮތުން މަރަދޫން ފެނުނު 3 ކޭސްއަކީވެސް ޑައިރެކްޓް ކޮންޓެކްޓުންނެވެ.
އައްޑޫ ސިޓީއިން އިއްޔެ ކޮވިޑަށް ޕޮޒިޓިވްވެފައިވަނީ 8 މީހެކެވެ. އޭގެތެރެއިން 2 ކޭސް ފެނިފައިވަނީ ހިތަދޫއިންނެވެ. އަދި އަނެއް 6 ކޭސް ފެނިފައިވަނީ މަރަދޫއިންނެވެ.
Addu City Covid-19 case status as of 17th July 2021, 18:00Hrs.#StayHome #WashYourHands #WearAMask pic.twitter.com/QLjCZyYxG8
— Addu Emergency Operations Center (@EOCaddu) July 17, 2021
އައްޑޫގެ އަވަށްތަކުގެ ތެރެއިން އެންމެ ގިނަ އަދަދަކަށް ކޮވިޑްގެ އެކްޓިވް ކޭސް މިހާރު އުޅެނީ ހިތަދޫގައެވެ. ހިތަދޫގައި މިވަގުތު 43 އުޅޭއިރު، މަރަދޫގައި 29 ކޭސް އަދި މަރަދޫފޭދޫގައި 3 ކޭސް އުޅޭކަމަށް އައްޑޫ އިމަޖެންސީ އޮޕަރޭޝަން ސެންޓަރުން މަޢުލޫމާތުދެއެވެ.
އައްޑޫ ސިޓީގައި މިވަގުތު ކޮވިޑްގެ އެކްޓިވް 75 ކޭސް ހުރިއިރު، އެސިޓީގެ 467 މީހަކުވަނީ މިބަލިން ރަނގަޅުވެފައެވެ. އަދި މިބަލީގައި އެސީޓީން ދެމީހަކުވަނީ ނިޔާވެފައެވެ.
ކޮވިޑް-19 އަދާހަމަ 17 ޖުލައި 18:00 ގެ ނިޔަލައް!#StayHome#WashYourHands#WearAMask pic.twitter.com/LiqWi9jiUk
— Addu Emergency Operations Center (@EOCaddu) July 17, 2021
