އައްޑޫ ސިޓީ، ހިތަދޫ ބަނދަރު ސަރަހައްދުން ސައިކަލެއްގައި ދަނިކޮށް ހިތަދޫ ޕޯޓް ސަރަހައްދު މޫދާ ދިމާލު ހިލަ ތޮށިގަނޑު މައްޗަށް ވެއްޓި ސީރިއަސް އަނިޔާތަކެއް ލިބުނު މީހާ ނިޔާވެއްޖެއެވެ.
މިމަހުގެ 1 ވަނަ ދުވަހު ހިނގި މި ހާދިސާގައ ލިބުނު އަނިޔާތަކަށް އައިޖީއެމް ހޮސްޕިޓަލްގައި ފަރުވާދެމުން ދަނިކޮށް ނިޔާވެފައިވަނީ، ސ. ހިތަދޫ ނާޒުކީގޭ، އަހުމަދު ޒަރީރު، 46 އެވެ.
ބަނދަރު ހިލަތަކުގެ މައްޗަށް ވެއްޓި ޒަރީރަށް ވަރަށް ބޮޑަށް އަނިޔާވެ ހާލު ސީރިއަސް ވުމުގެ ސަބަބުން ހަމަ އެދުވަހު އެމަޖެންސީގައި އޭނާ ވަނީ މާލެ ފޮނުވާފައެވެ.
މަރުހޫމް ޒަރީރުގެ އާއިލާއާ ހަވާލާދީ އޮންލައިން ނޫސް "އައްޑޫލައިވް" އިން ބުނީ، އެ ހާދިސާގައި ޒަރީރުގެ ބޮލަށް ވަރަށް ބޮޑަށް އަނިޔާވެފައިވާ ކަމަށާއި، ސިކުނޑިއަށް ލޭއެޅި، ސިކުނޑި މަރުވެފައިވާ ކަމަށް އައިޖީއެމް ހޮސްޕިޓަލްގެ ޑޮކްޓަރުން އާއިލާއަށް އަންގާފައިވާ ކަމަށެވެ.
ހިޔާލު
Habaruge photo akah thinadhoo ge manzareh noonthoa.