ހދ. ނޮޅިވަރަންފަރު ސިއްޙީ މަރުކަޒުގެ އިތުރު ޢިމާރަތެއް އެޅުމުގެ އެއްބަސްވުމުގައި ސޮއިކޮށްފިއެވެ.
މިއަދު ހެލްތު މިނިސްޓްރީގައި ކުރިއަށްދިޔަ ރަސްމިއްޔާތެއްގައި ހދ. ނޮޅިވަރަމްފަރު ސިއްޙީ މަރުކަޒުގެ އެކްސްޓެންޝަން އިމާރާތުގެ މަސައްކަތް ކުރުމުގެ އެއްބަސްވުމުގައި ހެލްތު މިނިސްޓްރީން ސޮއިކޮށްފައިވަނީ ޕާރފެކްޓް މަލަފެހި މޯލްޑިވްސް ލިމިޓެޑާއިއެކުގައެވެ.
މިނިސްޓްރީގެ ފަރާތުން ޢަބްދުﷲ އަމީން ސޮއިކުރެއްވި މިމަޝްރޫޢު 1،868،254.73 ރ ( އެއް މިލިއަން އައްސަތޭކަ ފަސްދޮޅަސް އައްހާސް ދުއިސައްތަ ފަންސާސް ހަތަރު ރުފިޔާ، ހަތްދިހަ ތިން ލާރީ) އަށް އަރާއިރު، މިޢިމާރާތުގައި ޖެނެރަލް އޮފީހަކާއި، މީޓިންގް ރޫމެއް އަދި ޕަބްލިކް ހެލްތު ޔުނިޓެއްގެ އިތުރުން ކައުންސިލިންގް ރޫމެއްވެސް ހިމެނޭއިރު، މެޑިކަލް ސްޓޯރ، ޖެނެރަލް ސްޓޯރ، ލޯންޑްރީއާއެކު ގަރާޖެއްވެސް ހިމެނޭނެކަމަށް މިނިސްޓްރީންވަނީ ވިދާޅުވެފައެވެ.
