ހދ. ނޮޅިވަރަންފަރަށް ނިސްބަތްވާ ޒުވާނެއް ގެއްލިގެން ހޯދަން ފަށައިފިއެވެ.
އާއިލާގެ އެދުމުގެ މަތިން ފުލުހުން ހޯދުމަށް އިއުލާނު ކޮށްފައިވަނީ ނޮޅިވަރަމްފަރު މޯނިންސަން، މިސްބާހު މުހައްމަދެވެ. ފުލުހުން ބުނިގޮތުގައި އުމުރުން 25 އަހަރުގެ އެ ޒުވާނާ މިދިޔަ މަހުން ފެށިގެން ވަނީ ގެއްލިފައެވެ.
ފުލުހުން ވަނީ އޭނާ ހޯދުމުގައި އާންމުންގެ އެހީތެރިކަމަށް އެދިފައެވެ. މިގޮތުން ފުލުހުން ވަނީ މިސްބާޙުގެ ވަނަވަރާއި އޭނާގެ ފޮޓޯ ސޯޝަލް މީޑިއާގައި އާއްމުކޮށްފައެވެ.
We are appealing for your assistance in locating 25-year-old Misbah Mohamed, HDh. Nolhivaranfaru, Morning Sun, missing since last month
Description: Thin built, black eyes, black hair.
If you have any information about his whereabouts, please contact 3322111 or 9631696. pic.twitter.com/TCvmjsrWDA
— Maldives Police (@PoliceMv) May 14, 2021
ނޮޅިވަރަމްފަރު ކައުންސިލުން ބުނި ގޮތުގައި، އާއްމު ގޮތެއްގައި އެ ރަށުގައި ދިރިއުޅޭ އެ މިސްބާހުގެ އެއްވެސް ޚަބަރެއް ނުވެގެން އާއިލާ އިން ފުލުހުންނަށް އެންގީ މީގެ ދުވަސްކޮޅެއް ކުރިންނެވެ. އޭގެ ކުރިން، އާއިލާ އިން އޭނާ ހޯދުމަށް ގިނަ މަސައްކަތްތަކެއް ކޮށްފައިވާކަމަށްވެސް ކައުންސިލުން ބުނެއެވެ.
މަޢުލޫމާތު ލިބޭ ގޮތުގައި މިސްބާޙަކީ މަސްތުވާތަކެތީގެ މައްސަލަތަކުގައި މީގެ ކުރިން ރަށުގައި އެކި ފަހަރު ހައްޔަރު ކޮށްފައިވާ ޒުވާނެކެވެ.
މިސްބާޙްއާއިގުޅޭ މައުލޫމާތެއް ލިބިފައިވާ ފަރާތެއްވާނަމަ ލަސްނުކުރައްވައި އެ މައުލޫމާތެއް ފުލުހުންގެ ހޮޓްލައިން ނަންބަރު 3322111 އަށް ނުވަތަ ޖެނެރަލް އިންވެސްޓިގޭޝަން ޑިޕާޓްމަންޓުގެ ނަންބަރު 9631696 އަށް ގުޅުއްވައި ހިއްސާކޮށްދެއްވުމަށް ފުލުހުން އެދިފައިވެއެވެ.
