މި ދިޔަ ހުކުރު ދުވަހު ކުރިޔަށް ދިޔަ އެމްޑީޕީގެ އެތެރޭގެ އިންތިޚާބުގައި އެޕާޓީގެ ނައިބު ރައީސްކަމަށް ވާދަކުރެއްވި ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް އިންތިހާބުގެ ނަތީޖާ ޤަބޫލު ނުކުރާކަން އެޕާޓީއަށް އަށް މިއަދު ހުށައަޅައިފިއެވެ.
އެގޮތުން އަސްލަމް ވަނީ އިންތިހާބާ ގުޅޭ ގޮތުން 11 ކަމެއް ފާހަގަކޮށް އެ މައްސަލަތައް ބަލައިދިނުމަށް އެދިފައެވެ.
އެމްޑީޕީގެ އެތެރޭގެ އިންތިހާބުގައި 13،613 މީހުން ވޯޓްދީފައިވާއިރު އަސްލަމަށް ލިބިފައިވަނީ 9،957 ވޯޓެވެ. އަސްލަމާއި ވާދަކޮށް އިންތިޚާބު ކާމިޔާބު ކުރި ޝިފާޒް އަށް ލިބިފައިވަނީ 13،233 ވޯޓެވެ.
މި އިންތިޚާބުގައި 87،439 މީހުންނަށް ވޯޓް ދިނުމުގެ ޙައްޤު ލިބިފައިވާ އިރު ވޯޓް ދީފައިވަނީ %27 މީހުންނެވެ. އެއީ 23،613 މީހުންނެވެ. އެމްޑީގެ ރައީސް ކަމަށް ހޮވިފައިވަނީ އެ މަޤާމް ކުރިންވެސް ފުރުއްވި ކުރީގެ ރައީސް މުޙައްމަދު ނަޝީދެވެ.
މި އިންތިޚާބުގައި އަސްލަމް ވަނީ ވަރަށް ބޮޑު ކެމްޕެއިންއެއް ރަށްރަށަށް ޒިޔާރާތްކޮށް އަދި ސޯޝަލް މީޑިއާގައިވެސް ކުރައްވާފައެވެ.
