މޯލްޑިވްސް ކަރެކްޝަނަލް ސަރވިސްގެ ބެލުމުގެ ބަށުގައި ހުރި ޤައިދީއަކު ބަނދުން ދޫކޮށްލާފައި ވަނީ އޮޅިގެން ނޫން ކަމުގައި އެ ފަރާތުން ވިދާޅުވެއްޖެއެވެ.
މ. މުލަކަށް ނިސްބަތްވާ މުޙައްމަދު ފަޔާޒު ބަންދުން ދޫކޮށްލީ އޭނާ މިނިވަން ކުރުމަށް ކޯޓުން އަމުރު ކުރުމާއި ގުޅިގެން ކަމުގައި ކަރެކްޝަނުން ވަނީ ބުނެފައެވެ.
މި މައްސަލައާއި ގުޅިގެން ފުލުހުން ވިދާޅުވެފައި ވަނީ ހުކުމް ތަންފީޒު ކުރުމަށް މޯލްޑިވްސް ކަރެކްޝަނަލް ސަރވިސް އާއި ހަވާލުކުރުމަށް އެދި ފުލުހުންނަށް ލިބިފައިވާ ކޯޓު އަމުރެއްގެ ދަށުން 2019 ޑިސެންބަރު 11 ވަނަ ދުވަހު މ. މުލަކުން 41 އަހަރުގެ ދިވެހި ފިރިހެނެއް ފުލުހުންގެ ބެލުމުގެ ދަށަށް ގެނެސްފައިވާކަމަށެވެ.
އެމީހާއަކީ 25 އަހަރުގެ ޖަލު ހުކުމެއް އިއްވާފައިވާ މީހެކެވެ. އޭނާ ދޫކޮށްލުމަށް ކޯޓުން އަމުރު ކުރި ނަމަވެސް ފަހުން އޭނާ ބަންދު ކުރުމަށް ކޯޓުން އަމުރު ނެރެފައިވާކަމަށެވެ. އެހެން ކަމުން އެ އަމުރާއެކު މޯލްޑިވްސް ޕޮލިސް ސަރވިސްގެ އެހީތެރިކަމާއެކު އޭނާ މުލަކުން ހައްޔަރު ކުރީކަމަށް ކަރެކްޝަނުން ވިދާޅުވެފައިވެއެވެ.
ފުލުހުން ވިދަޅުވެފައިވަނީ 2019 ޑިސެންބަރު 14 ވަނަ ދުވަހު އޭނާ ވަނީ ދޫނިދޫ ކަސްޓޯޑިއަލްއަށް ހަވާލުކުރެވިފައިކަމަށާއި، މޯލްޑިވްސް ކަރެކްޝަނަލް ސަރވިސްގައި ޖާގަ ނެތުމުގެ ސަބަބުން އޭނާ އަދިވެސް ހުރީ ދޫނިދޫ ކަސްޓޯޑިއަލްގައިކަމަށެވެ.
