ކަރެކްޝަނަލް ސަރވިސްގެ ދަށުން ހިންގަމުން އަންނަ ހުޅުމާލެ ޖަލުގައި ހުރި ގައިދީއަކު ކޮވިޑް-19 އަށް ޕޮޒިޓިވްވެ، އެ ޖަލު ލޮކްޑައުން ކޮށްފިއެވެ.
ހުޅުމާލެ ޖަލުގައި ހުރި56 އަހަރުގެ ގައިދީގައި ކޮވިޑަށް ޕޮޒިޓިވްވެފައިވާކަން ކަރެކްޝަނަލް ސަރވިސްއިން ވަނީ ކަށަވަރުކޮށްދެއްވާފައެވެ.
ހުޅުމާލެ ޖަލުން ގައިދީއަކު ކޮވިޑަށް ޕޮޒިޓިވްވުމާއެކު، އެ ގައިދިީ މިވަގުތު ވަނީ ކަރަންޓީން ފެސިލިޓީއަށް ބަދަލުކޮށް، އެ ޖަލު ވަބީ ވަގުތީ ގޮތުން ލޮކްޑައުންކޮށްފައެވެ.
މި ކޭސްއާއި ގުޅިގެން ކޮންޓެކްޓް ޓްރޭސިން ހެދުމުގެ މަސައްކަތް ކުރަމުންދާއިރު، ރާއްޖެއިން މިއަދު ވަނީ ރެކޯޑް އަދަދަކަށް މީހުން ކޮވިޑަށް ޕޮޒިޓިވްވެފައެވެ.
މިއީ މިދިޔަ އަހަރުގެ އޮގަސްޓުމަހުގެ ފަހުން ކޮވިޑް-19 އަށް ދުވާލެއްގެ މައްޗަށް 215 މީހުން ޕޮޒިޓިވުވި ފުރަތަމަ ދުވަހެވެ. މިއަދު އަލަށް ޕޮޒިޓިވުވި މީހުންގެ ތެރޭގައި ހިމެނެނީ، މާލޭ އޭރިއާއިން 159 މީހުން، އަތޮޅުތެރޭ ރައްތަކުން އަށް މީހުން، ރިސޯޓުތަކުން 20 މީހުން، ފަތުރުވެރިންނަށް ހިދުމަތްނުދޭ ރިސޯޓުތަކުން 27 މީހުން، އަދި ފަތުރުވެރިންނަށް ހާއްސަ ކަނޑު އުޅަނދުތަކުން އެކަކެވެ.
