މަގުމަތިން ހޮވައިގެން ގެނެސްފައިވާ ފައިސާތަކެއްގެ ވެރިފަރާތް ހޯދުމުގެ މަސައްކަތް ފުލުހުން ކުރަން ފަށައިފިއެވެ.
މިފައިސާތަކަކީ 2020 ޖެނުއަރީ 6 ވަނަ ދުވަހުގެ ވަގުތެއްގައި އަމީނީމަގު ކުޑަކުދިންގެ ބަގީޗާ ކުރިމަތިން ހޮވައިގެން ގެނެސް ފުލުހުންނާ ހަވާލުކޮށްފައިވާ ފައިސާތަކެއް ކަމަށް ފުލުހުން ވިދާޅުވިއެވެ.
މި ފައިސާތަކުގެ ވެރިފަރާތުން، ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓްގެ ނަންބަރު 9631696 އަށް ގުޅުއްވައި، ކާކުކަން އެނގޭނެ ލިޔުމަކާއެކު ޝަހީދު ޙުސައިން އާދަމް ބިލްޑިންގއަށް ހާޒިރުވެ ފައިސާތަކާ ހަވާލުވެލެއްވުން ފުލުހުން ވަނީ އެދިލައްވާފައެވެ.
މިއީ ކިހާ އަދައެއްގެ ފައިސާއެއްކަމެއް ފުލުހުން ހާމައެއް ނުކުރައްވަ އެވެ.
