ޣައިރު ހާޞިރުގައި ކޮށްފައިވާ ހުކުމްތަކާ ގުޅިގެން 287 ފަރާތެއްގެ ޕާސްޕޯޓް ހިފެހެއްޓިފައިވާކަމަށް ފޮނަދޫ ދާއިރާގެ މެމްބަރު މޫސާ ސިރާޖު ވިދާޅުވެއްޖެ އެވެ.
ސިރާޖު މިއަދު ކުރެއްވި ޓްވީޓެއްގައި ވިދާޅުވެފައިވަނީ ޣައިރު ހާޞިރުގައި ކޮށްފައިވާ ހުކުމްތަކާ ގުޅިގެން 287 ފަރާތެއްގެ ޕާސްޕޯޓް ހިފެހެއްޓިފައިވުމަކީ ވަރަށް ބޮޑު ބޭއިންސާފެއް ކަމަށެވެ.
ޕާސްޕޯޓު ހިފަހެއްޓިފައި ހުރި 287 ފަރާތްތަކުގެ ތެރޭގައި މީގެ އެތަކެއް އަހަރުތަކެއް ކުރިން 1 ދުވަހަށް ހުކުމް ކޮށްފައިވާ ފަރާތްތައްވެސް ހިމެނޭ ކަމަށް ސިރާޖު ވިދާޅުވިއެވެ. އަދި މިކަމަށް ހައްލެއް ހޯދައިދެއްވާނެ ކަމަށްވެސް ސިރާޖު ވިދާޅުވިއެވެ.
ރާއްޖޭގެ އިމިގްރޭޝަނުން މިދިޔަ އަހަރު ވަނީ އޮންލައިންކޮށް ޕާސްޕޯޓަށް އެދެވޭގޮތަށް ހަމަޖައްސައިފައެވެ. އަދި މިދިޔަ އަހަރު އިމިގްރޭޝަން ކޯލް ސެންޓަރެއްވެސް މިދިޔަ އަހަރުވަނީ ހުޅުވާފައެވެ.
